• |
  • 極速報價
  • |
  • 會員
  • 產品服務 / 串流版
  • 設定
過往專欄
言歸政傳
言歸政傳政經頑石不低頭為理發聲郎旋風薰香療法男士診症室抵玩自助遊句句有骨星座命理念力•氣功手機應用tips睛益求精嚴浩 LIKE!見微知著跟著陶冬找美食數碼潮人廣告有晴踏出退休第一步識食•惜食有種CEO叫做莊潮爆網事羅湖橋兩邊娛樂酷辣辣思歪思正十萬八千里樂本健‧教室特首選舉趣食60秒入廚101觀自然•觀香港有種生活政本清源心筆在妍維基解碼IT戰國誌煮酒論政今日趣聞馬壇.誌趣星期二周融愛瘋Apps美美道來大國崛起智醒日誌@中小企「營」刃而解Smart Buying甜品工房Education Calculator家事法庭升學信箱新手媽媽怪獸父母營營樂樂親子專題財富非常道謝國忠看勢獨唱團京城近觀原來如此乾坤挪移街坊食神Keyman森巴舞睇波LU文化導遊精神解碼抗癌兵團有營生活吾道崢廣見聞名家名畫商務英語型品薈我心中的米芝蓮歐洲直擊旅途中食得喜Leadership Coaching一哥教攝影心晴百態乳你同行專科專論人愛衣裝Word Discovery科技趨勢愛情故事投資達人政治擂台藝術投資秘笈抗癌點滴寵物情緣淘寶lization電影一線網絡鬼故主.管微博一分鐘管理娛樂有理進攻SAT古今名錶政‧經‧女人The Beauty Factor議會內外石油戰爭男女情色談金說匯風水環境學細味建築健康快車Green Hong Kong星光伴我行我吃過的米芝蓮A+孩子上海觀察京城札記鐵娘駕到食客三千創富新思維海外升學信箱Today's Web藝術投資世界在讀什麼-雷美華潮得起Business English飛越地球村紅酒情報職場物語股場琦手

11/08/2017

點拎球星簽名相先至醒?唔使用劍嘅!

  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  18歲卜卜脆,入埋英甲球隊就絕對唔係濕濕碎!繼香港名宿張子岱後,18歲少年戴偉浚年紀輕輕已經成功打入英甲。終於,10號嗰晚正選上場!Jenny唔少球迷朋友都非常睇好佢,睇嚟小妹都要趁佢未係太出名之前,去拎返個簽名都好噃!話唔埋日後佢英超上陣、聲價百倍,嗰陣Jenny手上嗰張相,隨時值錢過近排最Hit嘅美斯簽名相,今次仲唔發?!

 

 

 圖中25號嘅「DAI」就係戴偉浚喇!

只要有恒心 簽名可成真


  好多人以為拎球星簽名相好難,Jenny話你知:其實唔難!咪話Jenny唔益你,正所謂:「只要有恒心,簽名可成真。」而家就教大家用郵寄嘅方式,問球星拎簽名嘅方法啦!

 

  據Jenny一個身為巴塞粉絲嘅朋友仔教路,成件事係有啲Old School嘅。首先,預備兩個信封,一大一細:細嘅寫自己回郵地址,連埋「戲肉」──一封用英文寫成、嘔心瀝血、感人肺腑、情意綿綿嘅Fans信,一次過入落個大信封到,跟住搵啱球會個地址(千祈唔好寫錯啊!)貼埋郵票就可以寄出等回覆喇!

 

  如果你想個球員簽名落自己張珍藏相度,就記得入埋張相入去噃!一般預兩個月左右就會有回信㗎啦!朋友仔警告,幾鐘意個球員都好,記住唔好一次過寄勁多信去轟炸人呀!唔係多就掂㗎,萬一人哋以為係惡搞就功虧一簣。

 

  嗱!想拎美斯嘅簽名相又好、尼馬(記得佢轉咗去巴黎聖日耳門喇!)嘅簽名相都好,Easy Job啦!唔駛用劍嘅!

 


大嘥鬼我發現咗你喇!

 

大嘥鬼亂入少年警訊?


  講起年輕人,特首林鄭月娥今日就喺Facebook Share咗香港警察Page嘅一段MV,就係噚日佢去八鄉少年警訊永久活動中心暨青少年綜合訓練營開幕禮時拍落嘅,林鄭就喺post嗰度寫咗句:「八鄉少訊中心將會同年輕人一起同行,開創他們嘅未來。」MV入面首歌就係少訊新主題曲《少年行者》,由大台劇《一屋老友記》入面個「細寶」張彥博主唱架,仲搵埋一班小妹妹一齊合唱添!班小妹妹唱得又跳得,唔知會唔會有人成為第二個Celine呢?

 

  講返呢個位於八鄉嘅少年警訊永久活動中心,就係以前嘅消防訓練場地,當年林鄭仲係政務司司長嗰陣,有份支持呢個地方「變身」架!望真啲,MV入面仲有個特別嘉賓,就係環境局吉祥物大嘥鬼喇!大家可能會問Jenny做咩大嘥鬼會出現?其實係因為中心入面嗰棵美人樹用嘅肥料係廚餘堆肥再做而成,大嘥鬼一出現仲畀人踢埋入會,佢喺Facebook話已經成為香港首名少年(鬼)警訊喇!

 

  Jenny見到唔同政府部門Page可以善用Facebook平台去玩Crossover,成件事好有趣,公關手法明顯Upgrade咗喇!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生