• |
  • 極速報價
  • |
  • 會員
  • 產品服務 / 串流版
  • 設定

07/02/2017

如何養好氣色?就看這兩周了!

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    本欄逢周四更新

    玄來更精彩

  立春至雨水之間,即新曆二月三日至十八日,是一年中最關鍵的時刻,在這時期若能在各方面配合,可以培養好一年的氣色、提升整年的運氣。 

 

怎樣養呢?有以下九久大寶招:

 

  一,Good Thoughts好思維:念力是很重要的,不要老想負面的東西,要想快樂的、成功的事。

 

  二,Good Words好說話:對人要講好聽說話、讚吓人,令人高興。自己也不要自怨自艾,唔好成日講:「死喇!」「PK咧!」講得多,真係會應!

 

  三,Good Company好同伴:要同D陽光一族喺一齊,嗰D成日頭上或面上有烏雲嘅人暫時避開,過咗呢段時間再救佢哋。

 

  四,Good Wealth Management好理財:呢兩周唔好大使,唔好因為新春大減價碌爆卡,無謂雞年一開局就雞毛鴨血。

 

  五,Good Rest好休息:要早D瞓,最好晚上11時前,唔得就12點啦。瞓得好就精神好,有助氣色潤澤。瞓唔夠,個人氣色會乾D。

 

  六,Good Health好健康:注意不要飲凍嘢、食太過毒辣嘅食物;或者著得太少,嗰D最流行嘅露肩、露臍、露美腿時裝都係健康陷阱,露少幾日啦。

 

  七,Good Relationship人緣好:呢十幾日個口乾淨D,廣結良緣。笑多D,要四萬咁口。

 

  八,Good Deeds造好事:幫得人就幫。就算平時計較,呢段時間都要慷慨,可以替人解決問題、自己大解慳囊、或者安慰吓人,總之在精神上、語言上、物資上支持吓你認為值得撐嘅人啦,無論識或唔識。

 

  九,Good Temper好脾氣:千祈唔好動氣、勞氣、激氣,攪到肝火燃燒、虛火上升,咁樣會影響印堂氣色,破壞面相全局。你幾大都要忌。

 

  以上九項「壯舉」,如果能全年奉行,當然係模範人類啦,不過喺沙塵滾滾嘅今日,真係唔容易,所以我只係要求你「守行為」十幾日啫。

 

  喺立春與雨水之間嘅關鍵時刻,能保持咁陽光、咁灑脫嘅生活態度,自然為自己周圍營造好磁場,氣色就會特別明亮,可保全年順利兼順氣喔!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生