• |
  • 極速報價
  • |
  • 會員
  • 產品服務 / 串流版
  • 設定

20/09/2018

【奉旨幫你?】錯在「太好人」!6招向同事say “NO”的技巧

  • 加入最愛專欄
  • 收藏文章
  • Yoko Cheung

    Yoko Cheung

    雖然寫下無數文字,但只求寫出一句──走入人心的說話

    Editor

Text: Yoko Cheung

  辦公室你幫下我、我幫下你其實好正常,但遇上「無賴同事」,有嘢冇嘢都叫你幫手,真係火都嚟埋;面對同事嘅「請求」,內心一定反晒白眼,喺心入面大叫︰「乜都幫你做晒,出埋你份糧好唔好!」但知曉辦公室「人情世故」嘅小薯,當然唔會咁做;為免得罪同事,唯有展露「公式笑容」,默默地say “YES”,接收埋人哋嘅工作,陷入無盡嘅工作輪迴……

 

  其實,最簡單嘅方法,當然係say “NO”,但係呢兩個字母邊有咁容易講出口,咁就試下用其他方法,迂迴地「拒絕」同事!

 

(《假裝熱情》劇照)

 

第一招︰保持沉默

 

  面對同事嘅要求,你唔作任何回應,保持沉默,佢哋或者會問多幾次,只要你堅持唔回應,佢哋就會自討沒趣,唔再搵你;千祈唔好衰心軟,覺得會顯得自己好無禮;如果你真係好介意自己係人哋心目中嘅形象,或者可以諗下你想拒絕佢嘅原因同埋呢位同事對你而言有幾重要,衡量下再決定say “YES” or “NO”。

 

第二招︰拖字訣

 

  人哋拜託你做嘢,唔一定要即刻回覆,你可以停一停、諗一諗,畀自己時間諗清楚係咪真係要幫佢,你可以回答︰

 

  • 我要睇一睇schedule,遲啲再覆你

  • 我要諗一諗,之後再答你

  • 我過一陣打返畀你

 

  如果你唔回覆,漸漸地佢就會唔記得……

 

第三招︰有咁詳細問咁詳細

 

  拜託人做嘢,最好就係唔使自己煩,如果拜託人仲煩過自己做,我諗大家都會情願自己做……當同事叫你幫手,你可以發揮你嘅小宇宙,用一堆問題轟炸佢︰「幾時?」、「邊度?」、「預算?」、「原因?」、「如果遇上意外點處理?」、「雨程點安排?」……有咁詳細問咁詳細,最好啲問題係佢無可能答到嘅。如果同事叫你自己決定,你可以「謙稱」自己冇經驗,怕做錯,都係要佢清晰嘅指示,再用一堆問題轟炸佢,好快佢就會消失。

 

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生