12/06/2018
撐黃智賢做老闆 Bobby關詠荷想再拍《陀槍師姐》
【晴報專訊】歐陽震華(Bobby)和關詠荷這對《陀槍師姐》經典組合,昨日雙雙現身好友黃智賢投資的醫學美容中心開幕。Bobby和關詠荷不停大放笑彈,互相嘲笑對方造型似鬼妹及黑人,更揚言想再拍新一輯《陀槍》,絕對是視迷一大喜訊。
黃智賢笑稱開店感覺似做新郎哥。
黃智賢投資七位數字,於上環開設醫學美容中心,昨日開幕吸引圈中眾多好友撐場,包括關詠荷、Bobby、陳慧珊、滕麗名、楊怡及郭晉安等,造就《陀槍師姐》及《真情》等經典組合聚頭,場面熱鬧。老闆黃智賢形容美容中心是他的叉電站︰「我隨時歡迎一班好朋友嚟,希望稍後開埋VIP房畀佢哋,可以親手幫佢哋敷面膜。」
續集加插超能力
歐陽震華(左)和關詠荷(右)
Bobby和關詠荷昨日不停互窒,Bobby踢爆前年去關詠荷家中拜年時,對方竟以睡袍Look示人,關詠荷聞言否認,但Bobby繼續搞爛Gag說︰「佢嗰件唔係神州一號,係晨褸一號,要萬幾蚊一件,我一定唔會畀老婆買。」
(左起)麥長青、譚玉瑛、黃智賢、陳松伶和黎芷珊是兒童節目經典組合。
另外,Bobby坦言想開拍新一輯《陀槍》,關詠荷附和說若有好劇本,自己會再「出山」拍劇︰「最好多啲槍戰同打戲,或者加啲外太空同超能力,咁就好玩啲。」Bobby又自爆83年與周星馳一起面試兒童節目《430穿梭機》,他說︰「我好想入但入唔到,反而星爺唔想入就揀咗佢,我超想入兒童組,因為入去半年就走紅!」身旁的關詠荷又再次窒他,並說︰「你都紅咗幾十年啦,成個TVB由頭帶到落尾!」
轉載自: 晴報
【與拍賣官看藝術】常玉作品屢創天價,背後其實藏著跌宕起伏的人生► 即睇