07/11/2018
遭江嘉敏狂摑100巴 王浩信:我好有經驗
【晴報專訊】王浩信曾在劇集遭連環掌摑十多巴,被網民封為「兜巴信」,今次他在台慶劇《兄弟》更難度「升級」,遭江嘉敏狠摑過百巴掌,難得王浩信笑指自己被摑「經驗」豐富,更寧願對方真打好過不停NG。
王浩信為求江嘉敏放心打,拍攝前特意先自摑示範。
王浩信、朱晨麗、江嘉敏、伍允龍等昨日宣傳下周一首播的新劇《兄弟》,劇中王浩信「慘遭」江嘉敏掌摑過百巴,江嘉敏重提這場戲,也對王浩信感抱歉:「場戲講浩信昏迷,我嘗試摑醒佢。我打落去時啪啪聲,總共拍咗三take,每次打咗30、40巴,見到佢塊面紅晒,搞到我都唔好意思。」
至於「受害者」王浩信則輕鬆笑說:「我對呢類鏡頭好有經驗,我寧願江嘉敏用真力摑落嚟,除咗希望快啲完成,拍出嚟效果都逼真啲。」提到他當年拍攝《名媛望族》及《法外風雲》時,曾分別被劉松仁和謝雪心掌摑,他笑言今次感受十分不同:「因為喺《兄弟》我瞓喺度被摑醒,比較被動,最甘都係當年被松哥狂摑。」提到屢次成掌摑對象,他搞笑自嘲:「呢一幕做咗GIF圖,總算對網絡界有貢獻。」
朱晨麗真空搶鏡
朱晨麗性感現身,令人眼前一亮。
同場的朱晨麗真空上陣,提到今次在劇中有不少武打鏡頭,她特別感謝好拍檔伍允龍全程悉心教導:「伍允龍幾乎唔瞓都睇住我拍,可能唔想我丟佢架。」她透露在英國拍攝外景時十分驚險:「有場戲由伍允龍揸船,幾乎撞倒附近另一艘船,好彩船主喺遠處見到,即刻追上嚟阻止。」
轉載自: 晴報
【你點睇】的士記分制將於周末生效,你認為該制度可否幫助的士提升服務質素?► 立即投票