30/01/2019
為醫護人員打氣惹負評 楊千嬅︰真心想講加油
【晴報專訊】楊千嬅前晚出席有份客串、彭浩翔執導的賀歲片《恭喜八婆》首映禮,早前千嬅及其他藝人應醫管局邀請,拍攝短片為醫護人員打氣,但遭網民負評。千嬅坦言自己曾任護士,明白醫護人員的工作壓力,自己亦衷心為對方加油。
楊千嬅前晚與彭浩翔、陳奐仁及陳逸寧等穿上紅色衣服示人,千嬅早前為醫管局拍攝打氣片,但被網民批評不切實際,千嬅表示醫護人員守護香港市民,十分明白前線人員的壓力爆煲:「其實我拍片前無諗咁多,自己都曾經係護士,當然明白佢哋一個人要應付50個病人嗰種辛苦同壓力,真係好想同佢哋講聲加油。」問到有份拍片的藝人,豈非成為代罪羔羊?身旁的彭浩翔直言:「呢個係佢哋(政府)架構同制度嘅問題,唔係搵明星拍片、同埋幾粒魚蛋就可以解決。」
提到農曆新年,千嬅表示會陪囝囝Torres外遊滑雪:「主要陪個仔滑雪,我自己希望踏入45歲,可以突破自己學識滑雪。(叫老公丁子高教滑雪?)你覺得佢會等我咩?呢啲就係婚前婚後嘅分別,就係等同唔等。」
活動後,眾人為陳奐仁(右三)補祝生日。
年廿九生日辦年貨
周日(下月3日)便是千嬅45歲生日,她笑言當日正值年廿九,會與同事食團年飯:「其實我好忙,朝早九點起身就去海味舖排隊、換鈔、去街市買肉,仲有買衫褲鞋襪畀個仔,生日都無得去玩。」她笑言除了炮製賀年菜,更要通宵大掃除。
提到拍攝《恭喜八婆》,千嬅踢爆彭浩翔在拍攝現場時,雖然眼望攝影機,但實質收風聽大家講八卦。原來戲中有一段情節,是取材自千嬅朋友的真人真事,千嬅笑言已先向朋友申請成功,才將情節放在戲中。
謝賢出席首映時,絲毫不提前新抱張栢芝。
轉載自: 晴報
【你點睇】的士記分制將於周末生效,你認為該制度可否幫助的士提升服務質素?► 立即投票