結婚近5年 黎諾懿堅守「入門規條」

　　【晴報專訊】黎諾懿、鄧佩儀、麥美恩及戴祖儀等，昨日在電視城出席新節目《長命不老》記者會，分享養生健康之道。黎諾懿與前港姐李潔瑩結婚四年多，婚後育有兒子小春雞，本來不修邊幅的諾懿，亦為妻兒注重家居衞生。

黎諾懿、鄧佩儀合作主持下周一新節目《長命不老》，為養生知識增值。

　　黎諾懿談到養生，他表示家人都很注重飲用水，家中安裝了一部水機淨化氯氣，「因為我太太的皮膚對水很敏感，未裝水機前試過皮膚紅到一撻撻，醫生話係甲醛毒，但原來係對氯氣敏感，依家所有敏感症狀都無晒！」

　　諾懿笑言自己粗生粗養，未認識太太前，他經常扭開水喉飲水，拍拖時試過斟水喉水給太太，被對方罵黐綫。他更自爆婚後返屋企，一定要經過多重消毒才能入屋，但「入屋規條」近年放寬了，只保留入屋前除鞋、入屋後要洗手等守則，不過一定不可以穿去街衫上床。

鄧佩儀19歲開始養生

穿女僕裝的戴祖儀慘被倒轉「逼供」，場面搞笑。

　　鄧佩儀最愛沖泡杞子紅棗茶，她自爆19歲已開始注重養生，戒吃煎炸食物已多年。她說︰「如果亂食嘢，我好容易生粒粒，個人冇晒光澤，依家最唔健康都只係間中飲珍珠奶茶。」如果拍攝飲食節目，她強調一定會試食，還笑言可趁機會放肆。同場的戴祖儀早前與黃庭鋒到台灣尋找養生秘方，她為節目獻出多個第一次，例如穴位按摩。

　　此外，戴祖儀日前成功貼中港姐三甲排名，贏得20萬元獎金，她承諾用五位數字請同事及親友食飯慶祝。