爆洪永城「鹹豬嘴」而反目？ 朱晨麗︰我唔會生安白造

　　【晴報專訊】朱晨麗（朱朱）與洪永城在劇集《多功能老婆》演夫妻，朱朱因爆男方拍攝時自行加親熱戲，鬧出「鹹豬嘴」疑雲，傳二人因此反目，拒在《多》續集中合作。朱朱昨日出席《法證先鋒IV》活動時，強調自己沒有「生安白造」，也沒對洪永城心存芥蒂。

朱晨麗否認將洪永城擺上枱。

　　《多功能老婆》盛傳將開拍續集，不過朱晨麗爆出「鹹豬嘴」事件後，雖然洪永城已澄清沒有「抽水」，但有傳男方非常生氣，拒絕再與朱朱合作，令續集「兩個只能活一個」。朱朱昨日回應指事隔已久又被重提︰「我OK無芥蒂。（洪永城暗示不願再合作？）將來有咩合作都係公司安排，我對佢無乜嘢嘅。」

洪永城日前教導小朋友正確洗手方法。

　　朱朱強調事件後一直有跟洪永城溝通︰「我打去安慰同問候佢，亦唔止一次，大家正常朋友咁傾偈。」拍攝期間可有溝通？她說︰「我所講嘅每一樣，都唔會生安白造。之後有同佢道歉講唔好意思，件事都隔咗咁耐，希望大家唔好再放大。」

梅小青否認《法證IV》改結局

梅小青（中）笑言要開拍《法證V》，要先過兒子一關。

　　提到洪永城表示對朱朱「No comment」，她自言無任何睇法，即使見到對方也不會尷尬。而洪永城則懶理是非，近日隨UNICEF HK義工團隊，探訪劏房家庭，派發防疫物資，鬼馬的他更與小朋友打成一片。

　　另外，無綫昨日公布《法證先鋒IV》第26集（前晚）收視高達36點，逾235萬觀眾收看，總監製梅小青對快將結局感不捨︰「好多人問我係咪開第五輯，留意大結局自有分曉。」她否認為鋪路開續集而更改結局留伏綫︰「劇本要拎去送檢，所以一早寫好，但演員都唔知結局係點。」傳找來佘詩曼及鍾嘉欣客串？她大賣關子，只謂兩位都是她喜歡的演員。