為囡囡「羅約彌」拎出世紙 雨僑爆政府字庫無「約」字

　　【晴報專訊】羅力威與雨僑的女兒Harper於今年八月出世，明天便兩個月大，兩公婆已為Harper改中文名「羅約彌」。他們前日到入境事務處為女兒辦理出世紙，但職員卻告知政府字庫的「約」字，部首字形為「糸」而非「糹」，令他們大感懊惱。雨僑昨日接受《晴報》電話訪問，強調會堅持用「約」字。

雨僑笑言拍全家福當日，囡囡連續三次請羅力威「飲茶」。

　　雨僑與羅力威前日為女兒約彌辦理出世紙，但入境事務處職員指政府字庫沒有「糹」為部首的「約」字。雨僑在社交網大呻︰「真係無，沒有，don't have！職員超認真搞咗兩個鐘真係無喎！話無『繞絲邊』下面係三點，電腦入面無呢個字，要申請同埋等多三個月，真係開心大發現。」羅力威亦留言︰「『繞絲邊』原來唔係三點水，無個約字，差啲改唔到呢個名，紅不紅都有繞絲邊，我哋係咪全香港第一個用約字嘅BB？」他笑指今次「開file」加了「約」字，以後所有BB都受用。

快將兩個月大的Harper精靈可愛。（IG截圖）

　　雨僑昨日向本報解釋女兒中文名來由︰「囡囡叫羅約彌，『約』係新約聖經，『彌』係彌賽亞，係基督宗教術語，意指受上帝指派，嚟拯救世人嘅救世主。」她當日手寫女兒名字給入境處職員：「職員好好，佢見我哋個『約』字係三點水『糹』，即同我哋講電腦會出『糸』，佢問我哋係咪一定要用三點水，我哋諗一諗，最後都覺得要用三點水。」她解釋︰「依家好多幼稚園堅持字體要用正字，將來阿女返學，個寫法好重要，所以最終都想用三點水。」

B女百日哭勁攞命

新手媽媽雨僑十分享受湊女生活。（IG圖片）

　　Harper快將兩個月大，雨僑稱囡囡近來「百日哭」︰「有日佢連續喊咗12個鐘，我就抱足佢咁耐，一放低佢就喊同尖叫，喊到第二朝。後尾帶佢睇醫生，醫生話佢有肚風，肚仔痛所以扭計喊，真係好攞命，但我好享受一手一腳照顧佢。」