24/06/2025 12:35
《魚缸博客》曹操出行派到周街都係，仲有無望升？
《魚缸博客》好少內地嚟嘅新股無人追捧，特別有啲啲名氣都被人追爆，但呢一轉曹操出行(02643)反而無咩人抽，都係超額20幾倍；所以莊家派貨派到一褲都係，個個都一人一手咁款。
咁係咪無得炒呢又？博客咁睇，呢一水曹操出行其實集資額好細，得18.5億（對比起其他同款企業而言），所以呢一轉上市，博客認為公司並唔係為集資，而係風投同吉利一齊孵出嚟嘅蛋，終於可以孵到上市啦，你睇有咩基石投資者：平治附屬、未來資產證券（香港）、無極資本附屬、國軒香港、億緯鋰能旗下億緯亞洲、速騰聚創附屬RoboSense HK。
其實上市會唔會派貨呢？要睇莊家好唔好人，畢竟其實佢咁少人抽，派咁多貨都無咩意思，今時今日玩人踩人分分鐘玩死自己；但你想寄望大升？呢個抽獎人數又好難講，分分鐘可能係上左市之後先開始炒。
所以博客認為，有貨人士又唔使太緊張，而家個市算唔差，就算跌都係暗盤跌一兩成，做一手黨最多都係輸一千幾百；大額乙組孖展個班，其實見到咁少人抽，要唔玩就一早抽飛，繼續抽嘅大戶，應該自己有後路，都唔輪到我擔心。
博客利申返，我自己抽一中一，都係好閒，用平常心心態去睇今日暗盤結果就ok啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
咁係咪無得炒呢又？博客咁睇，呢一水曹操出行其實集資額好細，得18.5億（對比起其他同款企業而言），所以呢一轉上市，博客認為公司並唔係為集資，而係風投同吉利一齊孵出嚟嘅蛋，終於可以孵到上市啦，你睇有咩基石投資者：平治附屬、未來資產證券（香港）、無極資本附屬、國軒香港、億緯鋰能旗下億緯亞洲、速騰聚創附屬RoboSense HK。
其實上市會唔會派貨呢？要睇莊家好唔好人，畢竟其實佢咁少人抽，派咁多貨都無咩意思，今時今日玩人踩人分分鐘玩死自己；但你想寄望大升？呢個抽獎人數又好難講，分分鐘可能係上左市之後先開始炒。
所以博客認為，有貨人士又唔使太緊張，而家個市算唔差，就算跌都係暗盤跌一兩成，做一手黨最多都係輸一千幾百；大額乙組孖展個班，其實見到咁少人抽，要唔玩就一早抽飛，繼續抽嘅大戶，應該自己有後路，都唔輪到我擔心。
博客利申返，我自己抽一中一，都係好閒，用平常心心態去睇今日暗盤結果就ok啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。