26/06/2025 12:18
《魚缸博客》中旅咁樣抽升法，係咪想私有化先？
《魚缸博客》今日個股市真係好睇，香港中旅(00308)大約係十一點半開始一路抽升，由1.1一路升到上最多1.98，成交額都七億幾。
市場傳聞係咪又有中央送大禮？博客覺得送幾大禮都無可能咁抽升法，今日成交最多就係北水同富昌證券，暫時睇到同埋市場吹緊最大風就係：私有化。
其實「十一點半」呢個時間真係好微妙，一來佢係A股中午收市時間，二來博客係「炒房」做開嘅朋友同博客講，通常一間公司有大舉動，會通知炒房一係十一點半開工、一係三點半開工，因為呢兩個時間係投資者最鬆懈時間，殺你個措手不及係最好TIMMING。
究竟係咪「真．私有化」，相信公司好快出公告。不過就算真係私有化都唔意外，公司大月2008年上市，十幾年來都係浮浮沉沉，最多升過4蚊多小小，近期都係1蚊附近上落。
FUN FACT，博客搵過佢份業績望望，原來整「回鄉證」一年有三億幾收入；然後公司有大約128億固定資產(物業），目前市場街貨大約32%左右，即係大約17.71億股，當你今日炒到最高價$1.98係私有化價錢好未？都係35億元左右。
呢個價高唔高真係見仁見智，博客就認為如果係「真．私有化」，大約作價都係$1.1-1.3左右，呢個價對比起公司咁多固定資產，其實最抵玩。至於係真定係假，好快知道答案！
《編者按》本欄搜羅即市傳聞，惟消息未經證實，《經濟通》亦不保證內容之準確性。
市場傳聞係咪又有中央送大禮？博客覺得送幾大禮都無可能咁抽升法，今日成交最多就係北水同富昌證券，暫時睇到同埋市場吹緊最大風就係：私有化。
其實「十一點半」呢個時間真係好微妙，一來佢係A股中午收市時間，二來博客係「炒房」做開嘅朋友同博客講，通常一間公司有大舉動，會通知炒房一係十一點半開工、一係三點半開工，因為呢兩個時間係投資者最鬆懈時間，殺你個措手不及係最好TIMMING。
究竟係咪「真．私有化」，相信公司好快出公告。不過就算真係私有化都唔意外，公司大月2008年上市，十幾年來都係浮浮沉沉，最多升過4蚊多小小，近期都係1蚊附近上落。
FUN FACT，博客搵過佢份業績望望，原來整「回鄉證」一年有三億幾收入；然後公司有大約128億固定資產(物業），目前市場街貨大約32%左右，即係大約17.71億股，當你今日炒到最高價$1.98係私有化價錢好未？都係35億元左右。
呢個價高唔高真係見仁見智，博客就認為如果係「真．私有化」，大約作價都係$1.1-1.3左右，呢個價對比起公司咁多固定資產，其實最抵玩。至於係真定係假，好快知道答案！
《編者按》本欄搜羅即市傳聞，惟消息未經證實，《經濟通》亦不保證內容之準確性。