15/05/2025 11:58
《魚缸博客》討論區熱話：恒生銀行都炒人，樓市又再有風暴？
《魚缸博客》呢兩日討論區好多人都開POST講：連唔炒開人嘅恒生銀行(00011)都要裁員，樓市風暴或會再重現？點解會有呢個講法？因為「聽聞」好多人係銀行做嘅都會選擇用銀行向員工提供嘅低息貸款福利，而如果員工被炒，突然無收入證明，連轉按都有難度，容乜易斷供兼齊齊被銀主收樓。
無獨有偶，有網友搵到篇「樓市專家」嘅一年前文章（你一開出名嘅討論區嘅房屋台就會見到），大概內容就係話：「銀行職員在工作嘅銀行借了錢買樓；銀行唔敢炒佢地，因為他們離開銀行就還唔到錢，還唔到就會有壞帳，對銀行信譽唔好。」
呢篇一年前嘅文章「燈」到出晒面，真係入得「FILE」。其實銀行炒人已經係新常態，滙豐都年年炒一轉，渣打好似話兩三年前炒過一批，所以銀行工並唔係想像中咁穩陣，特別而家乜都AI，對人手需求相對地減少，「炒人」某程度係另外一種「鯰魚效應」，等班員工醒定。
至於銀行炒人會唔會令「一大班」供樓人士斷供？博客真係唔敢講，但人數肯定唔係話幾千、幾萬人一齊無屋住，但點都會「有班人」受影響。以前一講銀行裁員係好大件事，因為銀行係百業之母，連個老母都唔得嘅情況下，其他行業又點會好過呢？
但正如我上面所講，而家銀行業炒人係新常態，所以其實已經唔係咩大件事，其實讀BBA都要upgrade下自己，唔好以為一份工可以打到老，而家乜都電腦乜都科技，唔同以前啦！所以恒生銀行炒人呢單新聞，咪當花生食下咪算，至於話樓市又再有風暴？可能就誇張咗少少囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
無獨有偶，有網友搵到篇「樓市專家」嘅一年前文章（你一開出名嘅討論區嘅房屋台就會見到），大概內容就係話：「銀行職員在工作嘅銀行借了錢買樓；銀行唔敢炒佢地，因為他們離開銀行就還唔到錢，還唔到就會有壞帳，對銀行信譽唔好。」
呢篇一年前嘅文章「燈」到出晒面，真係入得「FILE」。其實銀行炒人已經係新常態，滙豐都年年炒一轉，渣打好似話兩三年前炒過一批，所以銀行工並唔係想像中咁穩陣，特別而家乜都AI，對人手需求相對地減少，「炒人」某程度係另外一種「鯰魚效應」，等班員工醒定。
至於銀行炒人會唔會令「一大班」供樓人士斷供？博客真係唔敢講，但人數肯定唔係話幾千、幾萬人一齊無屋住，但點都會「有班人」受影響。以前一講銀行裁員係好大件事，因為銀行係百業之母，連個老母都唔得嘅情況下，其他行業又點會好過呢？
但正如我上面所講，而家銀行業炒人係新常態，所以其實已經唔係咩大件事，其實讀BBA都要upgrade下自己，唔好以為一份工可以打到老，而家乜都電腦乜都科技，唔同以前啦！所以恒生銀行炒人呢單新聞，咪當花生食下咪算，至於話樓市又再有風暴？可能就誇張咗少少囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。