其實我一直在留意你－陌生人訪問服務

Facebook的朋友

K11藝窗散佈11段訪問片段。影片不斷循環播放，觀眾只要戴上耳機就可以體驗整個完整的訪問。

　　ICQ早成一代人的集體回憶，現在除了有「網友」，更有一種叫「Facebook朋友」，即是大家互加了Facebook，憑相片、短片、文字知道對方的生活狀態，不過，你們大有可能沒有往來，又或是只有你在默默地、單向地關注著Facebook上的他/她。Silas的「陌生人訪問服務」所找回來的「追蹤者」就是這一種朋友。

　　「未必係完全唔識，可能係你認識但唔熟，會喺好似Facebook呢類social media見到佢好多私人嘢、佢營造出嚟嘅形象。係Facebook放一啲相、一啲文字，話畀人聽我係一個點嘅人，但其他人睇可能係一件好唔同嘅事。」

　　2013年，Silas招募「追蹤者」──他們在社交媒體上有未深交，但因好奇而一直留意的對象，Silas就為他們提供一個特別的服務──代他們訪問感興趣的對象。「追蹤者」可以問10道問題，可以留低一個訊息，但身份要絕對保密，不然要罰錢。Silas剪輯好片段並於同年舉行的《Sky++》數碼社區藝術展覽中展出片段。4年後，他又多做了一些訪問，並揀選了共11段新舊訪問，現於K11展出。

你睇我，我睇我，我睇你

「我唔鍾意啲人post晒啲相，真係好煩，我同佢真係好大對比。睇Discovery Channel囉……」

－追蹤者回應陌生人八號

　　在社交媒體上，要知道一個朋友的近況不難，特別是那些樂於分享自己的生活與看法的活躍份子，即使真實相處不多，但總覺得自己對他們的生活暸如指掌，甚至了解他們的性情。不過，在身處在徘徊於現實與虛構之間的網絡世界，認識一個人，幾分假，幾分真，值得相榷。Silas的項目中，追蹤者看到自己感興趣的對象接受訪問，看過回答會有印象落差嗎？「通常都會，之前無咩點同嗰個人講過嘢，剩係睇相，或者一啲問題可能係佢哋長期觀察過先問，同埋訪問係匿名，可以問啲敏感啲嘅問題，受訪人意料唔到，表現嘅反應就唔同。」

「佢應該係默默stalk緊我嘅人嚟，我估啦，即係無咩留comment，但係有keep住睇……應該係男仔啫……我覺得佢問一啲我會唔會比較瘦弱，驚自卑，care結衣嗰啲，可能女仔先會問，一係佢係gag」

－陌生人十八號

　　短片中受訪者逐條回應問題，有人因為問題觸及人生遺憾眼紅紅，有人坦白自己曾是「隱青」；同時間，短片底下的字幕表達追蹤者的諗法，當中不乏抵死啜核的說話：「係呀，你係肥緊呀，加油呀！」、「我覺得佢都應該係一個比較淋善嘅人」。到片末，轉過頭，由受訪者猜想邀請他的會是個怎樣的人，評價他們的匿名追蹤者。

食花生

受到朋友的朋友邀請，Silas也成為其中一位受訪者。

　　Silas把在社交媒體的追蹤行為形容為「食花生」，而「陌生人訪問服務」何嘗不是一個讓大眾「食花生」的經歷，觀眾透過訪問觀察受訪者與邀請人的互動，繼而對兩者定下印象。對於食花生的行為，Silas在做這個項目時表明在公共領域上分享個人生活，已經代表授權任何人任意觀賞：「唔係好多人都意識到原來有好多唔係好熟嘅人睇緊你Facebook，而且嗰個人睇得好仔細。」

　　看完「陌生人訪問服務」，你仍會覺得再在Facebook設定私隱程度真的可以保留私隱？還是花時間想想，你想別人看到的，是個怎樣的你。

陌生人訪問服務

日期：即日－5月中旬

地點：K11藝窗

費用：全免

藝術家：方琛宇