芥蘭炒臘腸

　　秋冬季節係食臘味的好時候，臘味配芥蘭去炒，大家都識得煮。

　　但係炒芥蘭要炒得好食，其實真係有尐難度。要薑汁及糖少，煮的時間太耐，菜會煮到變黃色，加入少許蠔油，能將菜式味道即時提升。

　　大家唔信就試下啦!　

材料 :

　　芥蘭 1斤、臘腸 1條(切片)、薑 5至6片

調味料 :

　　紹興酒 1湯匙、砂糖 1湯匙、雞粉 1/2茶匙、蠔油 半湯匙、熱滾水 1/4量杯  

做法:

　　1. 洗芥蘭，去掉花芯，瀝水備用。

　　2. 臘腸放在碟上，放入鑊內，隔水蒸5至7分鐘，放涼，切片備用。

　　3. 燒熱鑊，下油半湯匙，先將臘腸片加入炒香，盛起。

　　4. 另再燒熱鑊，下油1湯匙，下薑片爆香，加入芥蘭炒一會，然後加入調味料、1/4量杯熱滾水，蓋上鑊蓋，中火煮2分鐘，再加入調味料炒勻即成。

韋太小貼士:

　　炒芥蘭一定要薑味重，砂糖的份量要較多，而且要加入紹酒及少許蠔油，才可以將鮮味即時提升。