照燒汁菠菜雞肉卷

 

 

　　其實家常餸菜中，除咗豬肉係主要食材之外，雞肉都可算是經常食用材料之一，單是雞翼變化出來的食譜都超過幾十款。

 

　　今期韋太只用在街市凍肉店隨時都買到的雞扒，再配上菠菜及甘筍來做一個雞卷，煎香後再加上自製照燒汁，別有一番風味，大家不妨試下!

 

烹煮時間: 25分鐘

 

份量: 2-3人

 

材料:

 

 

　　雞扒 2件、甘筍 80克、菠菜 150克

 

雞扒醃料:

 

　　幼鹽 1/2茶匙、胡椒粉 少許、老抽 少許

 

照燒汁：

 

 

　　生抽 1+1/2湯匙、味霖 3湯匙、日本料理酒 2湯匙、砂糖 1湯匙

 

做法:

 

 

　　1. 雞扒清洗乾淨，抹乾，用刀切平過厚的雞肉，雞皮用少許老抽搽勻表皮，雞肉部份搽上幼鹽及胡椒粉醃15分鐘。

 

　　2. 菠菜清洗乾淨，用滾水烚熟，榨乾水份，備用。

 

　　3. 甘筍去皮切絲，用滾水烚2分鐘盛起，備用。

 

　　4. 將雞扒攤開，將適量的甘筍絲及菠菜放在雞肉底部，然後慢慢將雞肉卷起，收口用牙籤固定。

 

　　5. 燒熱鑊，落油1湯匙，將雞扒卷兩面煎香，盛起，倒去鑊內多餘油份或清洗，將照燒汁煮滾，將雞卷放回入鑊內煮2分鐘，釀汁液吸入雞卷內，然後盛起。

 

　　6. 將雞卷放涼切片，淋上照燒汁，即成。

 

韋太小貼士:

 

　　捲在雞肉內的蔬菜，可以按個人的喜好自由配搭。