【壓力爆燈】狂食零食、玩啪啪紙都冇用？放lunch即衝「爆洩房」

2. 聽音樂

　　音樂最能夠牽動人嘅情緒，揀啲節奏強勁嘅歌，可以令自己精神一振。但如果做嘢做到精神緊張，或者被腦細「照完肺」，咁就要聽返啲柔和輕快嘅音樂啦！外國仲有研究指，返工聽歌仲可以提升專注力，甚至減低出錯機會添，真係好處多多！

（《幕後玩家》截圖）

Read More：【10首適合在辦公室聽的歌】想提升工作專注力？快去聽打機配樂吧

3. 食零食

　　原來係當嘴部接觸到食物，並且做出咀嚼和吞咽運動嘅時候，係可以令緊張和焦慮嘅注意中心轉移，唔怪得小編每逢趕稿嘅日子尤其口痕想搵嘢食，仲要非朱古力、薯片不可！雖然食零食真係好易肥，不過苦中作樂嘛，閒唔中食一次半次冇問題嘅！

（《愛回家之開心速遞》截圖）

4. 種小盆栽

　　有研究話，當人身處喺陽光燦爛、綠意盎然嘅自然環境嘅時候，心情係會變更加快樂同輕鬆！但係對唔少打工仔嚟講，返工就同鬱喺一個叫「office」嘅監獄裏面接受勞役冇咩分別。曬陽光？No Way！不過有時做嘢做到心情煩躁，只要望下枱頭盆小植物，個心總係會慢慢平伏落嚟。

　　而且，小盆栽仲可以美化office，同埋紓緩眼睛疲勞添！

Read More：【綠色辦公室】名字美又易種！8種護眼、淨化空氣的室內盆栽

5. 去「爆洩房」發洩

　　爆洩房？乜嚟㗎？ 

　　哦，原來「爆洩房」即係外國已經流行咗好耐嘅「ANGER ROOM」。顧名思義，間房係專畀一啲壓力爆哂煲嘅人，用上木棍或鐵棍瘋狂怒打房內物件，以達到宣洩壓力之效。就咁聽好似好爽咁，試下也冇妨，不過要記住減壓方法有好多種，小編絕對唔鼓吹暴力行為啊！

參加者須穿上保護衣、面罩及手套，做足安全措施。

（圖片來源：爆洩房 Ikari Area@Facebook）