【覓食上環】和你在一起！Dustykid用四味果茶療癒疲憊心靈（文末附塵漫畫）

即睇小編私心推介：

爆檸什酸梳打

　　夏日炎炎，飲杯酸咪咪嘅飲品最解渴！呢杯用咗青檸、西柚、檸檬、鮮橙幾款水果，再加埋梳打水嘅「爆檸什酸梳打」，飲落口好清新，而且仲標榜無糖，啱晒啲追求健康嘅人！

美味指數：★★★★☆

仙草三青茉莉茶

　　以「苦」為主題嘅「仙草三青茉莉綠」，就用咗青瓜、苦瓜、西芹做成「三青」，味道有少少似中藥，但好彩有仙草嘅甘味中和返，學Dustykid創作者Rap話齋，係苦盡甘便來嘅味道！聽講呢杯飲品仲有一定嘅排毒同美顏功效，同樣係追求健康嘅選擇！

美味指數：★★★☆☆

黑糖珍珠港式奶茶

　　除咗甜、酸、苦、辣嘅主題果茶之外，仲有大滿足系列嘅「黑糖珍珠北海道3.6牛乳」和「黑糖珍珠港式奶茶」，前者選用咗北海道3.6牛奶，口感順滑；後者就用咗港式奶茶作茶底，茶香濃重，再配埋鋪頭每日新鮮用黑糖熬煮嘅珍珠，唔怪得叫「大滿足」啦！

美味指數：★★★★★

芝士奶蓋四季春

　　芝士奶蓋飲得多，加咗喜馬拉雅山岩鹽嘅，大家又飲過未？聽講喜馬拉雅山岩鹽（又稱玫瑰鹽），唔單只有獨特甘甜嘅味道，可以豐富到芝士奶蓋嘅口感；仲係仲係天然純淨無污染的產物，不含防腐劑等化學成分之餘，而且有豐富天然礦物質與微量元素添！

美味指數：★★★★☆

Read More：【覓食大西北】街坊價錢，一級享受！ 5間元朗高質餐廳、小食推介 

左／塵茶王（鐵觀音）

右／塵茶后（白桃烏龍）

　　除咗手調飲品之外，冷泡茶亦都係必試之選！兩款茶選用嘅茶葉都係嚟自台灣南投，直購直送香港之後，再以冷泡形式浸泡18小時。鍾意香濃茶味嘅人，可試「塵茶王」，而鍾意清香回甘嘅，就可以揀「塵茶后」，飲落去仲有淡淡桃香添，最啱心情煩悶嗰陣飲！

小編特別推介火龍果果乾！

　　舖頭仲有賣唔同款式嘅自家製果乾，即食或者用嚟泡茶都得。除咗常見嘅菠蘿乾、蘋果乾之外，仲有比較少見嘅火龍果乾、蕃茄乾，全部都係用原塊水果製成，無添加劑和糖分，最啱注重健康飲食嘅香港人！

每款烘培食品嘅包裝上都寫上Dustykid撰寫嘅心靈句子。

　　Dustykid喺荔枝角仲設有烘焙室，每日新鮮製作曲奇（牛油、杏仁、抹茶、咖啡、朱古力及抹茶燕麥口味）和蛋糕（牛油、杏仁、抹茶及伯爵茶口味）。小編鍾意佢口味夠多之餘，而且唔太甜，食多兩件都唔會有罪疚感！

店舖以簡約嘅純白色為主，再配上由Dustykid撰寫嘅心靈句子，如「和內心相處的時光，很值得花」、「努力休息也是休息的一種」等，為大家注入滿滿正能量。

大家仲可以買Dustykid手搖杯套返屋企添！

心事如塵茶食亭

地點：上環皇后大道中255 號曼哈頓大廈地下G01B號鋪

開放時間：12:00–20:30

Read More：【覓食銅鑼灣】在鬧市中的綠洲好好放空！Chill住食下午茶＋Happy Hour  

下頁看　Dustykid漫畫

　　作為你和我嘅心靈夥伴，Dustykid由2012年開始就喺網上以簡單易明嘅文字插畫，陪著大家一齊經歷無數嘅喜怒哀樂，至今已經喺Facebook累積咗超過十萬粉絲。

　　即睇佢有咩窩心小哲理同大家分享。

就算面對再多的傷心、無力、憤怒……都不要拒絕希望。

累了嗎？乖，先上床休息吧，然後再繼續走下去。

是的，我們都在一起。

＊以上圖片由Dustykid授權刊登。

Read More：【如果你累了】總有歌來給你輔導！精選5首新派台廣東歌