11/06/2025 12:31
《魚缸博客》海天豉油食得多，海天味業抽唔抽得過？
《魚缸博客》返內地，不論餐廳廚房，定係私人屋企，多數都係見人用「海天」呢個牌子，特別係出面廚房，最大特色就係佢個蠔油，唔係講味道，而係個「包裝」，成個「公文袋」咁大抽，工業廚房用，大件夾抵食！
內地調味品生產商龍頭海天味業(03288)今日至下周一（16日）招股，計劃發售約2.63億股，當中1579.43萬股在港公開發售，國際發售則約2.47億股，每股作價介乎35元至36.3元，每手買賣單位為100股，入場費3666.62元，預期於2025年6月19日掛牌，中金、高盛及摩根士丹利係聯席保薦人。最緊要係基石投資者陣容星光熠熠，GIC、瑞銀、高瓴、博裕……有錢齊齊賺嘛。
雖然招股價上限同A股中午收市價相比有兩成折讓，但今日招股反應都係冷淡平平，一個上午都係超額認購18倍，好似無咩港資客有興趣咁，呢個牌子紅不過羅湖（南下嗰種），喺香港無咩知名度，同埋都無係香港超市上過架，無人知道都正常。
咁至於抽唔抽好？博客覺得做一手黨又無咩所謂，反正都係有限錢，輸都係三兩百，贏都係八百一千咁，唔中更加無損失；至於上市後買唔買，博客覺得觀望下就好，畢竟佢個A股走勢圖唔係特別好睇，其實無太多上升空間。
《編者按》本欄搜羅即市傳聞，惟消息未經證實，《經濟通》亦不保證內容之準確性。
內地調味品生產商龍頭海天味業(03288)今日至下周一（16日）招股，計劃發售約2.63億股，當中1579.43萬股在港公開發售，國際發售則約2.47億股，每股作價介乎35元至36.3元，每手買賣單位為100股，入場費3666.62元，預期於2025年6月19日掛牌，中金、高盛及摩根士丹利係聯席保薦人。最緊要係基石投資者陣容星光熠熠，GIC、瑞銀、高瓴、博裕……有錢齊齊賺嘛。
雖然招股價上限同A股中午收市價相比有兩成折讓，但今日招股反應都係冷淡平平，一個上午都係超額認購18倍，好似無咩港資客有興趣咁，呢個牌子紅不過羅湖（南下嗰種），喺香港無咩知名度，同埋都無係香港超市上過架，無人知道都正常。
咁至於抽唔抽好？博客覺得做一手黨又無咩所謂，反正都係有限錢，輸都係三兩百，贏都係八百一千咁，唔中更加無損失；至於上市後買唔買，博客覺得觀望下就好，畢竟佢個A股走勢圖唔係特別好睇，其實無太多上升空間。
《編者按》本欄搜羅即市傳聞，惟消息未經證實，《經濟通》亦不保證內容之準確性。