17/06/2025 12:30
《魚缸博客》腦再生科技一年升50倍，係神話定係「被神化」？
《魚缸博客》呢兩晚個個都喺度「腦神經」，博客以為咩神經咁巴閉，原來係講緊「腦再生科技」，隔晚喺美股又爆升近3倍，一年內已經升左50倍，連帶今日港股呢邊都有相關概念股一齊炒。
唔講唔知，原來呢間公司主要運營及資產都係喺香港，專注於研究、開發及商業化中藥，用於治療神經認知障礙和退化，即係所謂「老人癡呆」、「柏金遜症」；而點解佢又會炒高呢？因為公司公布，新一代神經調控晶片通過FDA臨牀試驗審批，將與全球頂尖醫療機構梅奧診所合作，開展柏金遜症治療研究。
博客上網搵過下資料，呢個所謂「腦機接口技術」並唔係新東西，其實概念早喺80年代已經出現，之後電影《22世紀殺人網絡》都有做過下類似劇情，其實簡單來講，就係「用電腦模擬腦電波信號給予指令」，可以令行動不便嘅識行識走、又或者癱瘓嘅人透過腦接口技術輸出信號，去控制個滑鼠鼠標，等佢地可以控制電腦。
呢種技術其實美國「馬伊隆」（Elon Musk）都做緊，但只係無估計過咁快就可以落到FDA做臨床，如果可以做得臨床的話，快則三五七年就可以內就可以推出市面。
所以股價爆得上真係有原因，至於而加買唔買好？博客細膽，呢種「幾萬巴仙」升幅的東西，博客都係食花生算了。
《編者按》本欄搜羅即市傳聞，惟消息未經證實，《經濟通》亦不保證內容之準確性。
唔講唔知，原來呢間公司主要運營及資產都係喺香港，專注於研究、開發及商業化中藥，用於治療神經認知障礙和退化，即係所謂「老人癡呆」、「柏金遜症」；而點解佢又會炒高呢？因為公司公布，新一代神經調控晶片通過FDA臨牀試驗審批，將與全球頂尖醫療機構梅奧診所合作，開展柏金遜症治療研究。
博客上網搵過下資料，呢個所謂「腦機接口技術」並唔係新東西，其實概念早喺80年代已經出現，之後電影《22世紀殺人網絡》都有做過下類似劇情，其實簡單來講，就係「用電腦模擬腦電波信號給予指令」，可以令行動不便嘅識行識走、又或者癱瘓嘅人透過腦接口技術輸出信號，去控制個滑鼠鼠標，等佢地可以控制電腦。
呢種技術其實美國「馬伊隆」（Elon Musk）都做緊，但只係無估計過咁快就可以落到FDA做臨床，如果可以做得臨床的話，快則三五七年就可以內就可以推出市面。
所以股價爆得上真係有原因，至於而加買唔買好？博客細膽，呢種「幾萬巴仙」升幅的東西，博客都係食花生算了。
《編者按》本欄搜羅即市傳聞，惟消息未經證實，《經濟通》亦不保證內容之準確性。