15/10/2025 11:59
《魚缸博客》新股玩AB制度，長此落去咁得唔得㗎？
《魚缸博客》博客呢期都係頻頻抽新股，發現一個現象就係，自從IPO係八月改制度，新股可以選擇「AB」制上市，公司多數都係揀B制，以致用B制度上市嘅新股，係市場上基本都係得一成至兩成街貨。
至於抽新股嘅股民呢？其實抽一手定頭槌飛，基本上差別不大，頭槌飛可以拎到十手八手已經叻到飛天，「一手黨」個機率同中六合彩安慰獎可能都差唔多。
得出來嘅情況，就係呢期新股隻隻都升一兩倍，隻隻都難抽，迫股民係暗盤或者公開市場掃貨。
博客覺得呢種現象其實唔太健康，係舊制度年代，莊家想搭棚，都可能搵人頭持股，而做到市場「乾貨」嘅現象；而家直接就係：「不裝了，攤牌了」，大股東直接控股85%或以上，禁售半年，加埋如果有5-6%基石投資者，市場可能得不足10%嘅街貨，最後嘅結果就係隻隻都高市值、隻隻都越掃越高。
大股東解禁之後係點？基石解凍之後會？其實估都估到。因此某程度上，又回到過去咁，港股興盛年代，就係大戶渣住大貨，想佢升就升想佢跌就跌；之後證監、港交所一齊「清君側，靖內難」，成個市場好健康，但就係一潭死水，所謂「水清則無魚」。
博客對於走回頭路，都係有疑問，不過歷史就係咁，不斷重複重複又重複，而家抽新股，咪當買六合彩。最起碼，六合彩都要10蚊注，抽新股用現金做一手黨，0蚊。
《編者按》本欄搜羅即市傳聞，惟消息未經證實，《經濟通》亦不保證內容之準確性。
至於抽新股嘅股民呢？其實抽一手定頭槌飛，基本上差別不大，頭槌飛可以拎到十手八手已經叻到飛天，「一手黨」個機率同中六合彩安慰獎可能都差唔多。
得出來嘅情況，就係呢期新股隻隻都升一兩倍，隻隻都難抽，迫股民係暗盤或者公開市場掃貨。
博客覺得呢種現象其實唔太健康，係舊制度年代，莊家想搭棚，都可能搵人頭持股，而做到市場「乾貨」嘅現象；而家直接就係：「不裝了，攤牌了」，大股東直接控股85%或以上，禁售半年，加埋如果有5-6%基石投資者，市場可能得不足10%嘅街貨，最後嘅結果就係隻隻都高市值、隻隻都越掃越高。
大股東解禁之後係點？基石解凍之後會？其實估都估到。因此某程度上，又回到過去咁，港股興盛年代，就係大戶渣住大貨，想佢升就升想佢跌就跌；之後證監、港交所一齊「清君側，靖內難」，成個市場好健康，但就係一潭死水，所謂「水清則無魚」。
博客對於走回頭路，都係有疑問，不過歷史就係咁，不斷重複重複又重複，而家抽新股，咪當買六合彩。最起碼，六合彩都要10蚊注，抽新股用現金做一手黨，0蚊。
《編者按》本欄搜羅即市傳聞，惟消息未經證實，《經濟通》亦不保證內容之準確性。