28/10/2025 12:30
《魚缸博客》原來周大福家族已經全清盛京銀行股份，一股不留
《魚缸博客》博客昨日無聊打開經濟通，發現有報道指，原來周大福系已經全清盛京銀行(02066)，一股不留，袋返2.8億港紙。
當然啦，其實其他大股東都開始清貨，主要係今年盛京銀行8月時公布，獲現任大股東瀋陽市國資委旗下「盛京金控」提出私有化收購，每股H股要約價1.32元。
講起盛京銀行，就不得不提恒大。市場傳聞，想當年香港仲有「撲克會」，一眾富豪係打住啤牌傾生意。就係呢個會，許家印賣出手上公司債，然後人人入坑；當年盛京銀行上市，本來同恒大關係密切，周大福更有份做基石投資者，可能都係呢個會入面傾返來。
之後恒大爆廠，連帶盛京一同爆雷，有官員落馬，股價一蹶不振，其實無人知道周大福贏定輸，不過今時今日周大福清倉盛京股份呢件事，勾起博客嘅回應。
香港股市呢十幾年，可算得上「亂石穿空，驚濤拍岸，捲起千堆雪。江山如畫，一時多少豪傑」，不過阿爺一句，就變成「談笑間、檣櫓灰飛煙滅」，幾多人上上落落，真係「人間如夢」
今日走左一間盛京，死左一間恒大，故事都係會不停重復上演，這就是香港股市。
《編者按》本欄搜羅即市傳聞，惟消息未經證實，《經濟通》亦不保證內容之準確性。
當然啦，其實其他大股東都開始清貨，主要係今年盛京銀行8月時公布，獲現任大股東瀋陽市國資委旗下「盛京金控」提出私有化收購，每股H股要約價1.32元。
講起盛京銀行，就不得不提恒大。市場傳聞，想當年香港仲有「撲克會」，一眾富豪係打住啤牌傾生意。就係呢個會，許家印賣出手上公司債，然後人人入坑；當年盛京銀行上市，本來同恒大關係密切，周大福更有份做基石投資者，可能都係呢個會入面傾返來。
之後恒大爆廠，連帶盛京一同爆雷，有官員落馬，股價一蹶不振，其實無人知道周大福贏定輸，不過今時今日周大福清倉盛京股份呢件事，勾起博客嘅回應。
香港股市呢十幾年，可算得上「亂石穿空，驚濤拍岸，捲起千堆雪。江山如畫，一時多少豪傑」，不過阿爺一句，就變成「談笑間、檣櫓灰飛煙滅」，幾多人上上落落，真係「人間如夢」
今日走左一間盛京，死左一間恒大，故事都係會不停重復上演，這就是香港股市。
《編者按》本欄搜羅即市傳聞，惟消息未經證實，《經濟通》亦不保證內容之準確性。