20/11/2025 11:59
《魚缸博客》我正式宣布，以後抽新股等於六合彩頭獎，頭槌飛都唔一定有貨
《魚缸博客》博客上次都討論過有關於香港新股AB制問題，估唔到個市場已經演化到「沒有最誇張，只有更誇張」嘅情況。
話說有隻量化派(02685)目前招緊股，每股作價介乎8.8元至9.8元，集資最高達1.31億元，每手500股，入場費4949.42元。
得意嘅位嚟啦！量化派招股書內顯示，是次上市開支共計約1.07億元人民幣，佔所得款項總額的94.6%，假設超額配股權未獲行使，及以招股中位價9.3元計算，公司估計是次招股所得款項淨額僅約580萬元。
580萬？580萬？真係580萬？公司走出去借都借到啦？使乜上市？佢呢轉集資1.24億，基本上九成都俾晒上市費用，咁仲上市作乜？博客覺得，好大機會係公司同券商簽左對賭協議，所以唔係想上市，而係被人「擺上台」。
最最最最有趣地方就係，佢呢一轉俾公開投資者嘅貨只係兩個巴仙，即係2670手，講緊係甲乙組一齊爭，頂頭槌飛中簽率大概都10%左右，所以中到有一手嘅人，如無意外應該係上一世拯救過銀河系。
不過，咁係咪代表博客唔入飛呢？非也，正如標題所講，你咪當呢隻新股係聖誕金多寶，頭獎8000幾萬，你用一舊水手續費孖到盡，中咪中，唔中咪下一隻，反正而家新股市場都玩爛，真心講句而家都係唔係投機咁簡單，直頭係賭運。
抽獎策略點玩好？博客認為，除非你係孖頭槌飛入飛，否則你抽一手現金免手續費算啦。你孖得個幾十萬，呢個中獎率去計算，手續費100蚊都係白白送俾券商。所以一係一手，一係頭槌飛，咁囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
話說有隻量化派(02685)目前招緊股，每股作價介乎8.8元至9.8元，集資最高達1.31億元，每手500股，入場費4949.42元。
得意嘅位嚟啦！量化派招股書內顯示，是次上市開支共計約1.07億元人民幣，佔所得款項總額的94.6%，假設超額配股權未獲行使，及以招股中位價9.3元計算，公司估計是次招股所得款項淨額僅約580萬元。
580萬？580萬？真係580萬？公司走出去借都借到啦？使乜上市？佢呢轉集資1.24億，基本上九成都俾晒上市費用，咁仲上市作乜？博客覺得，好大機會係公司同券商簽左對賭協議，所以唔係想上市，而係被人「擺上台」。
最最最最有趣地方就係，佢呢一轉俾公開投資者嘅貨只係兩個巴仙，即係2670手，講緊係甲乙組一齊爭，頂頭槌飛中簽率大概都10%左右，所以中到有一手嘅人，如無意外應該係上一世拯救過銀河系。
不過，咁係咪代表博客唔入飛呢？非也，正如標題所講，你咪當呢隻新股係聖誕金多寶，頭獎8000幾萬，你用一舊水手續費孖到盡，中咪中，唔中咪下一隻，反正而家新股市場都玩爛，真心講句而家都係唔係投機咁簡單，直頭係賭運。
抽獎策略點玩好？博客認為，除非你係孖頭槌飛入飛，否則你抽一手現金免手續費算啦。你孖得個幾十萬，呢個中獎率去計算，手續費100蚊都係白白送俾券商。所以一係一手，一係頭槌飛，咁囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。