25/11/2025 11:59
《魚缸博客》BTC仲想撈底？你連個底係邊都未見到啦！
《魚缸博客》博客其實都係其中一個BTC長期研究者，最早已經係2017年入場。
你問博客有無係BTC搵好多，博客答你：少少啦。因為投入BTC大部分都係「投機」多過「投資」，贏大錢嘅九成人都係開大槓桿賭Contract，而博客只係買入BTC放錢包，仆暈自己半年後再開返睇。
呢一轉BTC深度回調，其中一個重點就係，好多古老巨鯨錢包突然甦醒出貨，佢地可能買入成本只係幾千到幾萬美金之間，係一個警告信號。因為比特幣炒得起，其一個原因係美國佬政策扶持，另一方面就係街貨數量相對地少，包括好多巨鯨渣實大貨，五六七八年都無甦醒過，咁散貨就不停係市場炒高炒低，經過幾次調整就炒到12萬。
關鍵在於，而家巨鯨出貨，變相市場嘅貨多左，市場可變性大左；古老巨鯨一移動，中期持有者睇到佢出貨又跟住出，所以呢一水深度回調，博客估計就係呢個原因。
有人問博客睇BTC可以幾時入場，博客認為要思考幾個因素：1。美國減息前路未明，市場資金未必足夠撐起幣市；2。美國股債雙殺，巴郡手持歷史上最高現金水平，大家都等緊個環球資產市場深度回調；3。周圍都吹緊泡沫，黃金、股票、幣市，睇下邊個爆得快。
就以上三個因素，博客認為，你真係想玩BTC，不如玩做空Contract+Day trade就算，逢反彈開倉，食多十幾格就走人，好彩嘅你遇到再有大回調就今晚食雞。全世界都睇淡你仲等位撈？咪玩啦師傅。
《編者按》本欄搜羅即市傳聞，惟消息未經證實，《經濟通》亦不保證內容之準確性。
你問博客有無係BTC搵好多，博客答你：少少啦。因為投入BTC大部分都係「投機」多過「投資」，贏大錢嘅九成人都係開大槓桿賭Contract，而博客只係買入BTC放錢包，仆暈自己半年後再開返睇。
呢一轉BTC深度回調，其中一個重點就係，好多古老巨鯨錢包突然甦醒出貨，佢地可能買入成本只係幾千到幾萬美金之間，係一個警告信號。因為比特幣炒得起，其一個原因係美國佬政策扶持，另一方面就係街貨數量相對地少，包括好多巨鯨渣實大貨，五六七八年都無甦醒過，咁散貨就不停係市場炒高炒低，經過幾次調整就炒到12萬。
關鍵在於，而家巨鯨出貨，變相市場嘅貨多左，市場可變性大左；古老巨鯨一移動，中期持有者睇到佢出貨又跟住出，所以呢一水深度回調，博客估計就係呢個原因。
有人問博客睇BTC可以幾時入場，博客認為要思考幾個因素：1。美國減息前路未明，市場資金未必足夠撐起幣市；2。美國股債雙殺，巴郡手持歷史上最高現金水平，大家都等緊個環球資產市場深度回調；3。周圍都吹緊泡沫，黃金、股票、幣市，睇下邊個爆得快。
就以上三個因素，博客認為，你真係想玩BTC，不如玩做空Contract+Day trade就算，逢反彈開倉，食多十幾格就走人，好彩嘅你遇到再有大回調就今晚食雞。全世界都睇淡你仲等位撈？咪玩啦師傅。
《編者按》本欄搜羅即市傳聞，惟消息未經證實，《經濟通》亦不保證內容之準確性。