29/05/2025 17:30
《小傳日記》不認不認還須認，SHEIN三遷赴港上市認祖歸宗！
《小傳日記》小傳細個嗰陣成日都聽孟母三遷嘅故事，估唔到現代居然有SHEIN為上市而「三遷」嘅大粒花生可以食。話說，港交所(00388)行政總裁陳翊庭前幾日公開講，而家有超過150間公司排緊隊嚟香港上市，形容香港新股市場會繼續受惠A+H股上市，同埋ADR回流喎。咁小傳梗係即刻幻想下仲有咩巨無霸未上車啦，點知過咗一陣就傳SHEIN準備嚟香港上市。
為免有粉絲唔知SHEIN嘅傳奇故事，呢度就簡單介紹吓。SHEIN其實係一間嚟自內地南京嘅快時尚品牌，雖然公司總部已經搬咗去新加坡，不過佢嘅核心業務仍然同中國有密切關係，包括生產、設計、採購一籃子嘅業務都喺內地進行，甚至喺廣州番禺有條村就係靠做SHEIN供應鏈發家嘅，人稱「SHEIN村」！早前有諮詢機構講過，SHEIN借住佢嘅數字化按需柔性供應鏈優勢，成為而家增長最快嘅時尚零售商，超越國際大牌子Zara、H&M等等。
不過！小傳咁樣寫梗係唔慌有好嘢發生，SHEIN上市嘅旅程可以形容為「一波三折」。SHEIN最開始其實想喺紐約上市，後尾因為美國監管機構同埋當地議員阻攔，加上阿爺又唔建議佢美國上市，所以就臨時轉陣想去英國掛牌。但係！SHEIN去到英國又係奶晒嘢，所謂人紅是多，除咗政治壓力之外，又畀歐盟指控佢打虛假折扣、壓力行銷，又咁啱遇上美國關稅重擊，不過最重要嘅係，SHEIN嘅境外上市申請始終未能得到阿爺批准，可能係驚到英國上市之後被狙擊，影響面子掛。
《路透》噚日引述消息人士話，SHEIN嘅英國IPO上市計劃幾乎停滯，最終都係要認命，轉跑道嚟香港IPO掛牌，並計劃未來幾星期向港交所交招股書。不過聽聞，由於美國取消價值800美元以下包裹免稅，導致SHEIN大受打擊。所以無論SHEIN喺邊度上市都好，佢最終IPO估值都會取決於取消免稅所帶來嘅影響，之前有傳聞話SHEIN市值喺500億美元左右，就已經比尋求美國上市嗰陣嘅估值低咗近四分之一，而且仲未計關稅戰同港股流通性影響，市值可能要再低一截。
近排寧王(03750)、恒瑞(01276)等等嘅新股首日掛牌嘅表現都非常唔錯，若果SHEIN今年內真係有機會喺香港上市，唔知佢有冇機會成為今年下半年嘅新股首掛王呢？急住變現嘅幕後玩家當然最關心股價走勢，只不過SHEIN就有苦自己知。SHEIN呢幾年都一直想同神州保持一段「社交距離」，以免影響佢嘅全球化形象，但如果美國上唔到市、英國上唔到市，偏偏到香港就成功登陸，咁就真係海外游子落葉歸根啦，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。
為免有粉絲唔知SHEIN嘅傳奇故事，呢度就簡單介紹吓。SHEIN其實係一間嚟自內地南京嘅快時尚品牌，雖然公司總部已經搬咗去新加坡，不過佢嘅核心業務仍然同中國有密切關係，包括生產、設計、採購一籃子嘅業務都喺內地進行，甚至喺廣州番禺有條村就係靠做SHEIN供應鏈發家嘅，人稱「SHEIN村」！早前有諮詢機構講過，SHEIN借住佢嘅數字化按需柔性供應鏈優勢，成為而家增長最快嘅時尚零售商，超越國際大牌子Zara、H&M等等。
不過！小傳咁樣寫梗係唔慌有好嘢發生，SHEIN上市嘅旅程可以形容為「一波三折」。SHEIN最開始其實想喺紐約上市，後尾因為美國監管機構同埋當地議員阻攔，加上阿爺又唔建議佢美國上市，所以就臨時轉陣想去英國掛牌。但係！SHEIN去到英國又係奶晒嘢，所謂人紅是多，除咗政治壓力之外，又畀歐盟指控佢打虛假折扣、壓力行銷，又咁啱遇上美國關稅重擊，不過最重要嘅係，SHEIN嘅境外上市申請始終未能得到阿爺批准，可能係驚到英國上市之後被狙擊，影響面子掛。
《路透》噚日引述消息人士話，SHEIN嘅英國IPO上市計劃幾乎停滯，最終都係要認命，轉跑道嚟香港IPO掛牌，並計劃未來幾星期向港交所交招股書。不過聽聞，由於美國取消價值800美元以下包裹免稅，導致SHEIN大受打擊。所以無論SHEIN喺邊度上市都好，佢最終IPO估值都會取決於取消免稅所帶來嘅影響，之前有傳聞話SHEIN市值喺500億美元左右，就已經比尋求美國上市嗰陣嘅估值低咗近四分之一，而且仲未計關稅戰同港股流通性影響，市值可能要再低一截。
近排寧王(03750)、恒瑞(01276)等等嘅新股首日掛牌嘅表現都非常唔錯，若果SHEIN今年內真係有機會喺香港上市，唔知佢有冇機會成為今年下半年嘅新股首掛王呢？急住變現嘅幕後玩家當然最關心股價走勢，只不過SHEIN就有苦自己知。SHEIN呢幾年都一直想同神州保持一段「社交距離」，以免影響佢嘅全球化形象，但如果美國上唔到市、英國上唔到市，偏偏到香港就成功登陸，咁就真係海外游子落葉歸根啦，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。