《魚缸博客》犧牲CEO但換來流量密碼，呢間美國公司真識玩！

　　《魚缸博客》香港呢邊一個颱風襲港，大家都留係屋企打邊爐，博客一樣都係，不過食緊肥牛個陣睇到呢單趣聞，真係笑爆嘴。

　　美國一間數據AI公司「Astronomer」，佢個CEO（男）同HR部門阿頭（女）一齊去睇Coldplay演唱會，去到一個叫「kiss cam」環節（即係鏡頭影住情侶，對情侶要嘴一下先會到下個，否則會一路影住你），佢兩個立即閃閃縮縮，女就立即轉身掩面，男就蹲下躲避。

　　點解會咁？原來佢地兩個各自有家室仔女，呢次出來竟然係出軌偷情！連Coldplay主音Chris Martin都話：「Having an affair or they're just very shy（這要不是外遇，就是害羞）」

　　當然呢個最後CEO梗係自己辭職，有內部員工透露，原來呢個CEO出晒名「有毒」，呢次出軌被捉而辭職，真係「眾望所歸」。不過有趣嘅係，呢間「Astronomer」係GOOGLE搜尋量係直線飆升，間接做左一波免費SEO廣告。

　　其實呢種「意外」嘅流量密碼真係可遇不可求，博客記得Ｎ年前HKTV Mall有個顧客上網買嘢送漏貨，然後個老細王維基係Facebook見到呢單嘢，親自做CS跟進呢位顧客，最後各大媒體賣左幾日廣告，算係一波免費流量。

　　今時今日互聯網時代，好新聞壞新聞都係「流量」，就睇你識唔識處理。好似呢間AI公司咁，正正表達咗：「出軌是你的，但流量是公司的。」

《編者按》本欄搜羅即市傳聞，惟消息未經證實，《經濟通》亦不保證內容之準確性。