• |
  • 極速報價
  • |
  • 會員
  • 產品服務 / 串流版
  • 設定

03/07/2019

【無添加】送飯一流!自家製茄汁焗豆

  • 加入最愛專欄
  • 收藏文章
  • 韋太

    韋太

    韋太 (Irene Chan),烹飪導師,食譜作者及擔任食譜創作工作。

     

    曾獲多間大型機構邀請撰寫食譜。2009-2019年出版了14本個人創作食譜,分別是《自家製懷舊小食1&2》、《一口果香》、《小食多滋味》、《我愛手工麵包》、《你煮得到的家常菜》、《人氣曲奇蛋糕》、《韋太王牌甜品》、《人氣招牌家常菜》、《全手工低溫做麵包》、《最多人想學的前菜小食》、《簡易全雞宴》、《簡易調補家常菜》以及《簡易全肉宴》。

     

     

    本欄每周三更新

    我家私房菜

 

  提起茄汁焗豆,想起之前去某快餐店吃早餐,他們都會有幾款餐單是配茄汁焗豆的。其實所謂茄汁焗豆,原來是用營養豐富的黃豆製作而成。一般都會在超市見到一罐罐的,加入防腐劑的罐頭,沒有新鮮出售。

 

  近幾年來,香港人都注重健康,如果可以自家製作到的食品,都希望能夠自家製,盡量遠離防腐劑及添加劑。

 

  上兩星期一連兩星期都教大家親手做了自家製麵包,今期教大家做茄汁黃豆,日後就可以在家吃早餐,用麵包夾茄汁豆,營養豐富又健康,做法簡單,大家快啲試下啦!

 

烹煮時間:30分鐘

份量:650 克

 

材料: 

 

 

黃豆     150克

番茄     2個 (約200克)

茄膏     2湯匙 (85克)

 

調味料: 

砂糖    30克

鹽      1/4 克

熱水    200克

 

做法:

1. 黃豆用清水浸一晚,清洗乾淨,加入浸過黃豆一半的清水,放入高速煲內,大約煮12-15分鐘,煮至黃豆軟身,盛起瀝乾水份。

 

 

2. 番茄去皮,切幼粒。

 

 

3. 燒熱鑊落少許油,加入番茄粒爆炒一會,加入茄膏、黃豆粒及調味料煮滾,再慢火燜煮至8-10分鐘或至汁液濃稠,試味,即成。

 

 

4. 茄汁豆煮好放涼後,可放分批放入密實盒內,放在雪櫃冷藏1星期內食用,或即時放入冰格冷藏,吃時提早一晚放雪櫃冷藏格內回軟,食用時翻熱,效果更佳。

 

小貼士: 

每個高速煲烹煮時間或調較有差異,請自行再調較。

黃豆浸完會有豆衣浮面,清洗時可以用人手再除去豆衣。

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生