綠在屯門｜候鳥尋蹤樂遊日

活動簡介

「啾啾~」「喳喳~」

各位街坊請注意，一班珍貴嘅「神秘訪客」正準備喺香港降落啦！

踏入秋季，大量候鳥會南下過冬，於香港嘅濕地、農地或林地尋找食物及棲息處，亦有過境遷徙鳥會短暫停留以作能量補給。但由於棲息地持續受發展及污染影響，香港嘅候鳥數目正逐漸減少。為咗令候鳥及其他生物得以生生不息，我哋必須有效保護佢哋嘅棲息地。

今個月份，我哋「綠在屯門」將配合「世界候鳥日」，為大家準備咗 #候鳥尋蹤樂遊日 ，透過展覽、攤位遊戲及工作坊等方式，同大家尋找香港常見候鳥嘅蹤影、 認識雀鳥生態環境、鳥類遷徙所面對嘅重重挑戰，以及觀鳥時嘅注意事項! 快啲約埋親友一齊嚟玩啦！ 小編喺到提提大家，喺郊遊時緊記 #自己垃圾自己帶走 ，保持環境清潔，愛護大自然~

活動：尋找鳥蹤展覽、環保工作坊、免費二手物市集、攤位遊戲及「尋牛記」特別活動

「上一堂．儲一分」積分計劃

小編喺度提提你，而家參加嘉年華仲可以儲分換禮物㗎！只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分，每階段累積滿2分「額外賞」積分，即可換領禮品！

*每階段需要儲滿至少3分「基本獎勵」積分後，先可以解鎖「額外賞」獎勵

快啲Mark低以下日子，玩完仲可以儲分換禮物添，到時見喇！

注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 8歲或以下兒童須由家長陪同參與工作坊，並共同完成同一份製成品。

4. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

5. 每節工作坊會於活動前20分鐘開放排隊輪候及報名。

6. 免費二手物市集只會派發，不會進行收集活動。