西檸煎軟雞

　　一般家常菜色，多數都會用茄汁加糖加醋變成甜酸汁去做菜色，做出來的餸菜當然酸酸地好好味啦。 但不知道大家有無嘗試過用新鮮檸檬汁去配搭菜色呢?

　　今期韋太教授就嘗試用新鮮檸檬汁去調較汁料，淋在肉面一起進食，不但減少肥膩感覺，而且將肉改用煎的方法去做，不會太油膩，酸酸地，愈食愈好味 !

　　甜酸汁做到厭，不防試下做這個菜色啦 !

材料：雞扒2 件、檸檬1個、蛋黃1個、吉士粉適量

調味汁料：檸檬汁1湯匙、白醋2湯匙、砂糖3湯匙、鹽1/8茶匙、吉士粉1茶匙、清水3湯匙 

做法：

　　1. 雞扒用鹽、胡椒粉搽勻，醃半小時備用。

　　2. 雞扒兩面搽上蛋黃漿及栗粉備用。

　　3. 檸檬半個榨汁，半個切片。

 　  4. 燒熱鑊加入1湯匙菜油，將雞扒放入煎至兩面金黃色及全熟後盛起，用刀切件上碟排好。

　　5. 另用小鍋將調味汁料拌勻及用慢火煮至稠身後加入檸檬片煮片刻後關掉爐火。將芡汁淋於雞件上即成。

小貼士:

　　吉士粉係烘乾的蛋黃粉，顏色橙黃色，有提香的作用。若不用吉士粉，可以改用栗粉代替。