面試加分位︰講聲「唔好意思」

　　求職者去見工，面試首要任務是討面試官歡心，並取得對方信賴，說服他唔請你唔得。簡單一句「唔好意思」，原來好幫到手！哈佛大學有研究發現，多說「對不起」、「唔好意思」的人更討人喜歡，甚至能予人值得信賴的印象。中晒！

　　研究安排自願者在雨天到地鐵站向途人借手機，並分別問「可否借你的手機一用？」及「外面下大下雨，對不起可否借你的手機一用？」結果顯示，有說「對不起」的人借到手機的機會較高。負責研究的商學院助理教授布魯克斯發表研究報告指︰「在一般情況下，人們道歉的目的是想獲得別人對他們的信任。當作出不必要的道歉時，對方會在中立狀態下，予人值得信任的感覺。」

　　不必要的「對不起」也許有點過於凝重，不妨以「唔好意思」代替。求職面試中，「唔好意思」搶分位包括︰

　　1、唔好意思，我係xxx，約咗x點嚟見工，麻煩你。

　　2、唔好意思，你所指嘅係……

　　3、唔好意思，請問洗手間喺邊度？

　　4、唔好意思，請問有無我解釋得唔清楚嘅地方？

　　5、唔好意思，想問一下今次面試之後，安排會係點樣？

10萬個「對唔住」都無用︰

　　- 對唔住，我阿媽都嚟咗要參與今次面試。

　　- 對唔住，我無準備到呢個部分。

　　- 對唔住，我可以坐低未？

　　- 對唔住，要等幾耐？

　　作為求職者，這樣說的話，只能回應一句︰「對唔住，Next。」

　　原文刊載於ctgoodjobs.hk