鹹魚蒸肉餅

 

　　梅菜蒸肉餅或土魷蒸肉餅大家都可能經常吃這兩道菜色，而鹹魚蒸肉餅就可能較少… 因為現今的香港人追求健康，太鹹傷腎的食物盡量都會少吃。韋太記得童年時期，嫲嫲最愛每餐蒸鹹魚吃，用來伴飯吃一流。我覺得偶然吃一餐半餐都不大問題，可以提升胃口。

 

　　講開蒸肉餅，要做到肉餅吃入口鬆軟有彈性，豬肉一定要自己刴及攪至起膠才好吃，想肉質鬆軟，攪拌時要加入適量的清水去攪及將肉餡來回撻幾拾下，相信效果一定理想。加入幾粒馬蹄碎入去一齊蒸，更加好味到無朋友。從今以後想食到鬆化彈牙的肉餅，就要試下今期教授的方法啦 ! 

 

烹煮時間: 25分鐘

份量:  2-3人

 

 

材料

半肥瘦豬肉     300克

馬蹄肉         4粒 (切幼粒)

梅香鹹魚       1件

薑絲            適量

蔥粒            適量

 

調味料:

清水    3湯匙

生抽    1湯匙

砂糖    1/2 茶匙

幼鹽    1/8 茶匙

紹興酒  1/2 茶匙

胡椒粉  少許

生粉    1茶匙

菜油    1茶匙

 

做法:

 

1. 豬肉沖洗切片，然後刴爛，先加入3湯匙清水，順時針方向大力攪至有黏性。待肉吸收水份後，加入餘下調味料再大力攪及來回將肉撻數拾下，加入馬蹄粒拌勻，醃15分鐘。

 

2. 蒸碟底掃上少許油，將豬肉加入平均抹平，將鹹魚放在肉餅中間及放上薑絲。

 

3. 將肉餅放入蒸鑊內，隔水大火蒸15分鐘，蒸熟晒上蔥粒，即成。 

 

 

小貼士:

 

1. 肉餅要好吃，就要自己刴，如果怕麻煩，可以叫豬肉店舖將肉攪碎。

 

2. 肉餅要先加入清水令肉吸飽水，才容易攪至起膠及入口鬆化。