• |
  • 極速報價
  • |
  • 會員
  • 產品服務 / 串流版
  • 設定

09/06/2020

《經濟不停學》國泰11供7好弔詭,咩係「質數供股法」?

  • 加入最愛專欄
  • 收藏文章
  • 伍禮賢

    伍禮賢

    光大證券國際證券策略師,領導股票零售資料研究團隊專責分析香港及內地股票市場,亦負責研究和分析基金、債券及結構性產品,尋找與股票相關的各類資產類別的投資價值。

    經濟不停學

  今日國泰航空(00293)宣布400億重組方案,其中包括以每11股供7股嘅供股計劃,令到投資者譁然。究竟供股係要點供,而「質數供股法」係咩呢?去文!

 

(Shutterstock圖片)


供股要有「權」,唔想供可以賣走


  咩係供股呢?簡單嚟講,就係公司等錢使,公司問現有股東科水。畀完錢,公司就畀多份「新股份」你。股東可以按自身情況,決定是否供股。如果覺得唔啱心水,供股個「權」可以係公開市場賣走,但要視乎個「權」性質畀唔畀賣。

 

(Shutterstock圖片)

 

  股東供股,要按照公司定出嘅比例,即每持有幾多股,可以認購幾多股新股。一般嚟講,供股有分大比例同小比例。大比例如1供5、1供10,即每手持1股就可以畀錢供多5股、10股,小比例如3供1、2供1等。換言之,供股計劃之後,總發行股數就會多咗,你要供股先可以維持自己嘅投票權同收息比例;假如唔供,你嘅投票權就會被攤薄,牙力就會少咗啦!

 

供定唔供?要視乎公司前景

 

  好多人對於供股有疑惑,究竟供好唔供好。其實供唔供,好大程度要似乎公司前景,如果公司業務有增長,拎供股嘅錢係做投資業務,咁老虎蟹都供落去啦!例如2009年匯控(00005)進行世紀供股,以12供5方式,每股28銀進行供股,而當年如果肯供嘅人,之後有機會發過豬頭啦,因為之後股價起飛到6、70蚊,簡直就係執平貨。

 

(Shutterstock圖片)

 

  不過供股過去嘅印象都好負面,因為唔少「妖股」利用供股方式向小股東「抽水」,更甚是先供完股抽水之後,再合股向下炒,令到小股民慘慘豬。不過近年來證監會強力打擊呢種炒賣行為,所以先供後合呢種情況好少見!

 

咩係「質數供股法」?碎股點算好?

 

  國泰呢次採用11供7比例,行內叫做「質數供股法」。質數大家細個一定學過啦!就係1、3、5、7、11呢類除唔盡嘅數,當年匯控採用12供5方式,以1手400股計算,即需要手持12手,即4800股,或其倍數先會無碎股出現,變相令小股東要買齊4800股,要用更多錢供股,咁對股價就有推動作用。

 

 

  而兩個質數嘅供股就更絕啦!好似呢次國泰11供7,你必須買夠11手或其倍數先唔會有碎股出現。而如果持碎股放賣,都需要減啲啲先有「收買佬」肯收;而如果唔供,自己嘅投票權就會「被稀釋」。所以真係供又唔係,唔供又唔係囉!

 

撰文:李皆穎

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全城注視!銀行定存比較神器,助你搵到最佳息率!► 立即了解

我要回應

你可能感興趣

放大顯示
風水蔣知識

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ