24/04/2025 11:59
《魚缸博客》經濟差市民需求娛樂愈多，盲盒抽Labubu成潮流
《魚缸博客》呢排香港女性個個都陷入一個難題：究竟抽Labubu好定係CRYBABY好？有報道話最新系列Labubu 3.0今晚先開售，原價100蚊唔到，網上炒價已經去到1500蚊！呢件事同近期要輸入正確驗證答案先可以入鋪抽Chiikawa一樣，堪稱「公仔界的瑜亮」。
有種講法，當經濟愈差個陣，市民需求娛樂嘅程度就會愈高，因為娛樂可以為市民帶來「麻痺」作用，等大家忘掉煩惱。有人會打機睇電視電影，有人會選擇抽公仔，好似泡泡瑪特(09992)咁，旗下商鋪「POP MART」開到成個東南亞都係，就係食正呢條「娛樂至死」嘅水。
點解POP MART會令人咁著迷？博客認為，公司玩「盲盒」呢招確實玩得幾好，呢啲一百幾十蚊就可以買到嘅快樂，會令消費者唔覺唔覺就買多左幾盒；對比起擺晒一套十款公仔係櫥窗到賣，抽盲盒會加入一種「賭博元素」係入面，只要抽中自己最愛個款，個腦就自然分泌多巴胺，同你賭錢、夾公仔都係同一個道理。
所以泡泡瑪特點解股價有升無跌就係咁解，花旗研究報告話，泡泡瑪特首季收入按年增長165%至170%，表現強勁，遠勝增長逾一倍嘅指引，主要由於去年同期低基數，以及哪吒、Crybaby等系列新產品銷售表現向好，推動中國市場按年增約一倍及海外市場增長約4.8倍
博客覺得，日本或者美國IP開始出現困局，個困局就係佢地只係會用本地設計師，再做文化輸出；中國泡泡瑪特其實無呢個問題，好似Labubu就係香港人設計，CRYBABY就係泰國人設計，所設計嘅IP睇唔出地域痕跡，純粹係一款「大家都愛」嘅IP；經過BLACK PINK嘅Lisa加持下，呢個品牌係東南亞更鞏固。
而家關鍵就係，究竟POP MART做唔做到一個IP係可以攻打到歐美？如果真係做到，股價或者可以翻倍，而且博客幾有信心，畢竟歐美而家經濟咁樣，比起東南亞更需求呢種「娛樂」。
《編者按》本欄搜羅即市傳聞，惟消息未經證實，《經濟通》亦不保證內容之準確性。
有種講法，當經濟愈差個陣，市民需求娛樂嘅程度就會愈高，因為娛樂可以為市民帶來「麻痺」作用，等大家忘掉煩惱。有人會打機睇電視電影，有人會選擇抽公仔，好似泡泡瑪特(09992)咁，旗下商鋪「POP MART」開到成個東南亞都係，就係食正呢條「娛樂至死」嘅水。
點解POP MART會令人咁著迷？博客認為，公司玩「盲盒」呢招確實玩得幾好，呢啲一百幾十蚊就可以買到嘅快樂，會令消費者唔覺唔覺就買多左幾盒；對比起擺晒一套十款公仔係櫥窗到賣，抽盲盒會加入一種「賭博元素」係入面，只要抽中自己最愛個款，個腦就自然分泌多巴胺，同你賭錢、夾公仔都係同一個道理。
所以泡泡瑪特點解股價有升無跌就係咁解，花旗研究報告話，泡泡瑪特首季收入按年增長165%至170%，表現強勁，遠勝增長逾一倍嘅指引，主要由於去年同期低基數，以及哪吒、Crybaby等系列新產品銷售表現向好，推動中國市場按年增約一倍及海外市場增長約4.8倍
博客覺得，日本或者美國IP開始出現困局，個困局就係佢地只係會用本地設計師，再做文化輸出；中國泡泡瑪特其實無呢個問題，好似Labubu就係香港人設計，CRYBABY就係泰國人設計，所設計嘅IP睇唔出地域痕跡，純粹係一款「大家都愛」嘅IP；經過BLACK PINK嘅Lisa加持下，呢個品牌係東南亞更鞏固。
而家關鍵就係，究竟POP MART做唔做到一個IP係可以攻打到歐美？如果真係做到，股價或者可以翻倍，而且博客幾有信心，畢竟歐美而家經濟咁樣，比起東南亞更需求呢種「娛樂」。
《編者按》本欄搜羅即市傳聞，惟消息未經證實，《經濟通》亦不保證內容之準確性。