19/05/2025 12:10
《魚缸博客》恒生裁員背後原因或並非成本？網友猜測值得深思！
《魚缸博客》最近見到大家都討論緊恒生(00011)裁員嘅一系列討論，歸納出幾個重點：第一，公司唔係無錢賺，只係賺少咗，同時不良資產比率上升；第二，呢一輪裁員最多幫公司節省幾千萬，對比起公司仲賺錢，呢筆數究竟有幾大作用？
而大家討論重點，都係去左點解恒生有咁多「不良資產」，不約而同咁討論一位陳姓內地商人，因為恒生幫佢做一筆買46億商廈嘅按揭，最後變成爛帳，棟商廈最後由都會大學26.5億買入，恒生大大話話咁就「消失的20億」。
網友反應就係：恒生同東亞一時變左爛數界「瑜亮」。博客咁睇，因為樓市下跌係環球問題，並唔係單一恒生或者東亞嘅錯，唔通人地搵你做按，查過TU又好、又俾得起息，唔通唔做人生意咩？咁樣笑佢地唔公道。
不過，恒生確實爛數多左係真，亦都需要人負責，所以博客覺得，以恒生盤數去睇，炒人並非搵錢能力或者成本控制問題，而係可能要「清瘀血」。有網友提出一個睇法：有banker同內地某些富豪關係良好，其實人之常情，所以求其揼個Chop就批批批，到發現富豪原來「十個煲得一個蓋」嗰陣，就意識到原來公司「有內鬼」，但為時已晚，但你又唔能夠話自己公司「內部」有問題，咁咪索性扮裁員做掩飾，咁囉。
嗱嗱嗱，以上純粹係網友猜測，並不表示呢個就係真相，不過大家都可以思考下，一間賺錢億億聲嘅銀行，到底炒嗰一百幾十人，慳得嗰幾千萬有乜作用？一家企業如果出現問題，問題不外乎係大環境轉變或者掌舵人決策失誤啫，如果管理層覺得炒走一批中層員工就可以解決問題嘅話，咁就真係錯重點喇。
《編者按》本欄搜羅即市傳聞，惟消息未經證實，《經濟通》亦不保證內容之準確性。
而大家討論重點，都係去左點解恒生有咁多「不良資產」，不約而同咁討論一位陳姓內地商人，因為恒生幫佢做一筆買46億商廈嘅按揭，最後變成爛帳，棟商廈最後由都會大學26.5億買入，恒生大大話話咁就「消失的20億」。
網友反應就係：恒生同東亞一時變左爛數界「瑜亮」。博客咁睇，因為樓市下跌係環球問題，並唔係單一恒生或者東亞嘅錯，唔通人地搵你做按，查過TU又好、又俾得起息，唔通唔做人生意咩？咁樣笑佢地唔公道。
不過，恒生確實爛數多左係真，亦都需要人負責，所以博客覺得，以恒生盤數去睇，炒人並非搵錢能力或者成本控制問題，而係可能要「清瘀血」。有網友提出一個睇法：有banker同內地某些富豪關係良好，其實人之常情，所以求其揼個Chop就批批批，到發現富豪原來「十個煲得一個蓋」嗰陣，就意識到原來公司「有內鬼」，但為時已晚，但你又唔能夠話自己公司「內部」有問題，咁咪索性扮裁員做掩飾，咁囉。
嗱嗱嗱，以上純粹係網友猜測，並不表示呢個就係真相，不過大家都可以思考下，一間賺錢億億聲嘅銀行，到底炒嗰一百幾十人，慳得嗰幾千萬有乜作用？一家企業如果出現問題，問題不外乎係大環境轉變或者掌舵人決策失誤啫，如果管理層覺得炒走一批中層員工就可以解決問題嘅話，咁就真係錯重點喇。
《編者按》本欄搜羅即市傳聞，惟消息未經證實，《經濟通》亦不保證內容之準確性。