11/09/2025 12:15
《魚缸博客》買樓要揀地理位置，有煞位就注意
《魚缸博客》又就快施政報告，大家都吹緊風，究竟會唔會將買樓印花稅由400萬谷到600萬，係就正啦，樓市GOGOG。
最近博客睇到個新盤，咩位置就唔講啦，都係單棟物業，不過個位置就好靠近T字路口，博客就風水略懂，呢種格局就叫「路沖煞」。
個人意見分享，博客本人就住係路沖煞單位四年，呢四年都係不斷病，去到呢年半基本上都係一個月病一次，一病就全家病。我覺得自己捱到四年仲家宅和睦已經好叻，可能本身夠命硬，都唔好講咩發唔發達，唔死已經好好。
其實好多地區都有做樓宇重建項目，而且都係九龍舊區，呢堆舊區都係一排排樓拆卸，好多唔係Ｔ字路口就係十字路口。呢種位置做生意一流，因為周圍都係人流，多數都長做長用；不過要住舊考慮清楚，因為會沖左道「氣」，中國人居住地方最緊要講風、水、氣。
因為風要流動但唔可以強，有風唔容易病，但太強就難聚氣；水要流動，唔係容易滋生細菌；而氣就係要藏，所謂「藏風聚氣」，否則會形成「沖煞」，小則大病，大則家破人亡。
買樓唔好唔信風水，中國人幾千年智慧，信則有啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
最近博客睇到個新盤，咩位置就唔講啦，都係單棟物業，不過個位置就好靠近T字路口，博客就風水略懂，呢種格局就叫「路沖煞」。
個人意見分享，博客本人就住係路沖煞單位四年，呢四年都係不斷病，去到呢年半基本上都係一個月病一次，一病就全家病。我覺得自己捱到四年仲家宅和睦已經好叻，可能本身夠命硬，都唔好講咩發唔發達，唔死已經好好。
其實好多地區都有做樓宇重建項目，而且都係九龍舊區，呢堆舊區都係一排排樓拆卸，好多唔係Ｔ字路口就係十字路口。呢種位置做生意一流，因為周圍都係人流，多數都長做長用；不過要住舊考慮清楚，因為會沖左道「氣」，中國人居住地方最緊要講風、水、氣。
因為風要流動但唔可以強，有風唔容易病，但太強就難聚氣；水要流動，唔係容易滋生細菌；而氣就係要藏，所謂「藏風聚氣」，否則會形成「沖煞」，小則大病，大則家破人亡。
買樓唔好唔信風水，中國人幾千年智慧，信則有啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。