【理財專題】年結前用盡MPF扣稅額？留意三個中伏位！
新的一年，不少人滿腹大計，例如業務上準備大展拳腳，又或修讀新學位充實自已，理財方面亦不例外。本欄上期就提及要趁新一年檢視一下保額是否足夠，其實除了保險要檢視，稅務管理更加要留意。疫情之下經濟難見起色，所謂慳得一蚊得一蚊，趁年結前用盡強積金（MPF）扣稅，最多可慳稅約1萬元，供款給自已退休總好過「養肥」綠色炸彈! 現在就講講享受MPF扣稅之前，三個要留意的常見中伏位。
（Henry攝）
伏位1: 揀啱戶口額外供款 先有得扣稅
打工仔一般都有強積金戶口，在未有實施供款可扣稅之前，也許已聽過、甚至試過額外「自願供款」，不過，非所有戶口的自願額外供款可扣稅!
3種戶口額外供款 只有呢種可扣稅!
現時，要作額外強積金供款，一般有三個方法，包括直接在現有僱主計劃的的供款帳戶內作自願性供款、可在有提供特別自願性供款（SVC）安排的計劃開立戶口供款，和在可扣稅自願性供款（TVC）安排的計劃供款。
三種供款方法雖然都叫做「額外供款」，但細節上就截然不同。首先，直接在現有僱主計劃的的供款帳戶內作自願性供款，是最欠缺彈性的一個方法，皆因須每月定時供款（或許適合沒決心儲蓄的打工仔...），亦要依賴僱主代為向受託人入數，最主要問題是不可隨時提款，或要離職才可取回，更是無得扣稅!
這方法仍有一個好處，就時方便管理，投資組合在公司MPF戶口一目了然。如果選擇另外的計劃，基金調動安排便要另外處理。
（iStock圖片）
伏位2: 留意扣稅有上限! 供多左無扣稅之餘 仲要65歲才可取回!
另外兩種戶口分別是特別自願性供款（SVC）戶口，和在可扣稅自願性供款（TVC）戶口，別小看一個字母，供款後安排可以差天共地! 顧名思義，TVC戶口的供款才可以選擇扣稅，但並非供幾多都可以扣，每報稅年度最多6萬元的供款可作免稅額，而且這6萬元免稅額是和延期年金（QDAP）供款共用的，並於薪俸稅或個人入息課稅計算中扣除，以最高邊際稅率17%計，最多可慳稅約1萬元。
即係話，若果你今個報稅年度已經買了年金供款4萬元，今年3月31日前的TVC戶口供款只餘下2萬元可以扣稅。萬一大意，供了6萬款項結果會點? 就是款項照留戶口65歲或永久離港才可取，但多了的4萬元供款免稅卻落空!若想供多點，不妨4月後才供款，免稅額下年度重新計算。
參加咗ORSO 「玩」得TVC嗎? (下頁)
參加咗ORSO 「玩」得TVC嗎?
事實上，不少打工仔公司有提供認可職業退休計劃（ORSO），參加了ORSO，又可以透過開立自已的TVC戶口供款並扣稅嗎? 答案是可以的! 不只ORSO計劃成員，就算是自僱人士有MPF戶口，又或已離職只有MPF保留戶口，都可開立TVC戶口。
伏位3: 開戶要時間 唔好預太抆!
香港人出名忙，就算報稅交稅等都唔例外，好多人都最後一刻先去做，不過，如果希望趕及今年可以慳到稅，就必須要3月31日前成功為TVC戶口供款，但供款前，首先你要開到戶口! 現時各大MPF計劃開戶需時若2-7個工作日不等（見表），個別受託人可接受電子方式登記，如你所選的心儀計劃需時較長，兼只接受書面形式開戶。就要預多點時間準備。
（iStock圖片）
入數方面，所有計劃的收款方法都各有不同，準備開戶前當然要留心，自己所想的入數方法是否為受託人所接受。本欄檢視過所有提供TVC戶口的計劃，所有計劃都接受最傳統的支票入數，及自動轉帳。但網上銀行和繳費靈等較普遍的即時過數方式，分別只有友邦、BCT、國壽和宏利接受；近日新興的轉數快過數，則有交銀、東亞和萬全強積金接受（見表）。
撰文：經濟通記者羅駿豪