19/06/2025 12:01
《魚缸博客》抽海天做一手黨，唔中獎都係一種「小確幸」
《魚缸博客》上個禮拜博客都叫大家，海天(03288)首日入飛表現麻麻，所以就算想抽都係做一手黨就算，唔好孖盡抽，未必有著數，畢竟A股股價就係到，難道你港股呢邊又會識飛咩喲？雖然話之後入飛爆到七彩，但博客都係些少保留咁。
今日（19日）終於上市，但表現完全唔似係爆飛嘅新股，仲要試過「破發」，喂阿哥，超購918倍，唔升個兩三成都對唔住自己啦？點可能破發啊？
唯一解釋係咩？無可能係自己個莊打爆自己，昨日（18日）博客都講過香港新系統FINI抽新股有咩漏洞。
即係咩？博客昨晚訓覺，發左個夢，夢境係咁：有啲樓市新盤好喜歡請啲AA演慈父買樓，或者有明星去樓盤入市，總之就造到「一Q清」現象；之後發現個盤有十個八個撻訂，發展商就拎返出嚟減價再賣。香港人真係咁有錢？買樓前唔思考清楚，跟手撻訂送錢俾發展商？博客之後訓醒，先領悟到，個「一Q清」，其實咪就係同股票超購幾多倍，有異曲同工之妙？
其實抽新股有抽新股樂趣，抽中固然開心啦；但有時候抽唔中，都係一種「小確幸」。
博客就抽唔中啦，但最中意食花生，今日海天個表現，小二！嚟多盤啊唔該！
《編者按》本欄搜羅即市傳聞，惟消息未經證實，《經濟通》亦不保證內容之準確性。
今日（19日）終於上市，但表現完全唔似係爆飛嘅新股，仲要試過「破發」，喂阿哥，超購918倍，唔升個兩三成都對唔住自己啦？點可能破發啊？
唯一解釋係咩？無可能係自己個莊打爆自己，昨日（18日）博客都講過香港新系統FINI抽新股有咩漏洞。
即係咩？博客昨晚訓覺，發左個夢，夢境係咁：有啲樓市新盤好喜歡請啲AA演慈父買樓，或者有明星去樓盤入市，總之就造到「一Q清」現象；之後發現個盤有十個八個撻訂，發展商就拎返出嚟減價再賣。香港人真係咁有錢？買樓前唔思考清楚，跟手撻訂送錢俾發展商？博客之後訓醒，先領悟到，個「一Q清」，其實咪就係同股票超購幾多倍，有異曲同工之妙？
其實抽新股有抽新股樂趣，抽中固然開心啦；但有時候抽唔中，都係一種「小確幸」。
博客就抽唔中啦，但最中意食花生，今日海天個表現，小二！嚟多盤啊唔該！
《編者按》本欄搜羅即市傳聞，惟消息未經證實，《經濟通》亦不保證內容之準確性。