30/06/2025 12:31
《魚缸博客》六新股報到，但無隻識又無隻熱，點入飛啊喂！
《魚缸博客》唔知係咪見近期新股市場當旺，呢一排好多不知名嘅新股都陸續搶灘香港IPO，其中包括首鋼朗澤(02553)、極智嘉-W (02590)、訊眾通信(02597)、藍思科技 (06613)(深:300433)、峰岧科技(01304) (滬:688279)、大眾口腔(02651)。
博客份人就好現實，首日開招梗係睇孖展額，其次就係睇討論區表現。六隻新股首日嘅上午，大家都係水靜河飛，係靜到石頭Dump落河都聽到好大聲個隻；而討論區班網友，大部分都係彈保薦人或者公司。
所以話，散客們都尚算理智，可能大家都意識到，新股市場有小小俾人「玩爛咗」嘅感覺：入飛疑似可以一人兩票、一手黨根本無咩運行，同時抽新股又唔使現金又無成本，想點玩就點玩嘅感覺。
呢六隻新股，唯一有啲印象嘅就係幫蘋果做手機玻璃嘅藍思科技，董事長周群飛從工廠女工出身，慢慢做到自己開廠，最後公司上埋市，仲做過神州女首富添。至於其他新股，難聽講句，真係無隻識又無隻熱，點入飛啊喂？博客就入唔到手啦，呢啲搵錢機會真係留返俾大家，呢期博客都搵夠啦。
話返兩頭，博客以前細路仔年代，大部分IPO公司，都會上市之前做下路演，最起碼都有記者發布會，俾投資者同記者去睇下公司產品；而家好似越來越唔流行呢樣東西，係上市就直接上市，間公司賣乜做乜，自己睇招股書啦！時代真係唔同晒，博客唔認老都唔得囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
博客份人就好現實，首日開招梗係睇孖展額，其次就係睇討論區表現。六隻新股首日嘅上午，大家都係水靜河飛，係靜到石頭Dump落河都聽到好大聲個隻；而討論區班網友，大部分都係彈保薦人或者公司。
所以話，散客們都尚算理智，可能大家都意識到，新股市場有小小俾人「玩爛咗」嘅感覺：入飛疑似可以一人兩票、一手黨根本無咩運行，同時抽新股又唔使現金又無成本，想點玩就點玩嘅感覺。
呢六隻新股，唯一有啲印象嘅就係幫蘋果做手機玻璃嘅藍思科技，董事長周群飛從工廠女工出身，慢慢做到自己開廠，最後公司上埋市，仲做過神州女首富添。至於其他新股，難聽講句，真係無隻識又無隻熱，點入飛啊喂？博客就入唔到手啦，呢啲搵錢機會真係留返俾大家，呢期博客都搵夠啦。
話返兩頭，博客以前細路仔年代，大部分IPO公司，都會上市之前做下路演，最起碼都有記者發布會，俾投資者同記者去睇下公司產品；而家好似越來越唔流行呢樣東西，係上市就直接上市，間公司賣乜做乜，自己睇招股書啦！時代真係唔同晒，博客唔認老都唔得囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。