22/07/2025 12:31
《魚缸博客》京東買佳寶，搵到好路數？
《魚缸博客》不論係FB定係Threads，大家都討論緊內地京東買入香港佳寶超市股權問題，而且作價40億，網友不禁問：連鎖超市業務真係值40億？（不過有媒體爆料話實際交易金額並冇咁誇張……）
單單買入個品牌就梗係唔值，但博客相信，背後牽涉係大量物業地舖（以前佳寶玩炒鋪玩到出晒名），同埋最重要一樣嘢：冷鏈物流。
佳寶做得凍肉供貨俾自己門下近百間分店，除左本身嘅冷庫要夠大，仲有旗下司機、冷凍車、客戶關係網絡，呢啲本身係用錢買唔到，係一步步用時間去搭建出來，你想用錢買就要用好高「溢價」出手。
京東買間凍肉舖真係齋買凍肉舖咁簡單？NO啦，「冷鏈物流」呢件事本身係可以用途好廣泛，奶、肉、菜、蛋都要依靠凍庫運輸，博客認為佢係想進軍香港超市零售。去過佳寶買嘢的話，就知道佢本身設計就係主打「平」，所以你見佢啲鋪大部分都係邋邋遢遢、水滴滴衛生差；有無思考過如果佳寶嘅價錢，但係衛生環境同惠康百佳無異，你係消費者你會去邊到買？
有網友話，本身京東買佳寶呢件事係追住HKTV Mall打，博客認為唔係咁簡單，京東同HKTV Mall就唔係同一個量級嘅對手，佢嘅假想敵可能就係香港超市兩大天王惠康同百佳！有佳寶近百間地舖門市鋪好零售通路，加埋京東背後嘅供貨商、以及現成嘅冷鏈物流，再啟動減價戰，正好香港面臨經濟下滑，呢個時勢就好容易搶市場。
舉個例子，好似惠康百佳賣緊太古版可樂大約4-5蚊一罐，如果佢選擇賣大陸版，售價可能降到2-3蚊，可能係無咩錢賺，但京東熟悉價格戰同內捲，捲死對手先慢慢加價都唔遲；仲有奶、肉、菜、蛋一樣可以捲價格，同埋京東有份入股嘅「錢大媽」一齊合作，對香港超市零售可能有好大衝擊。
其實佳寶執好少少衛生，就會搶到好多種中產客。相信好快有新一輪價格戰出台，博客老婆買雞翼又有折了。
《編者按》本欄搜羅即市傳聞，惟消息未經證實，《經濟通》亦不保證內容之準確性。
單單買入個品牌就梗係唔值，但博客相信，背後牽涉係大量物業地舖（以前佳寶玩炒鋪玩到出晒名），同埋最重要一樣嘢：冷鏈物流。
佳寶做得凍肉供貨俾自己門下近百間分店，除左本身嘅冷庫要夠大，仲有旗下司機、冷凍車、客戶關係網絡，呢啲本身係用錢買唔到，係一步步用時間去搭建出來，你想用錢買就要用好高「溢價」出手。
京東買間凍肉舖真係齋買凍肉舖咁簡單？NO啦，「冷鏈物流」呢件事本身係可以用途好廣泛，奶、肉、菜、蛋都要依靠凍庫運輸，博客認為佢係想進軍香港超市零售。去過佳寶買嘢的話，就知道佢本身設計就係主打「平」，所以你見佢啲鋪大部分都係邋邋遢遢、水滴滴衛生差；有無思考過如果佳寶嘅價錢，但係衛生環境同惠康百佳無異，你係消費者你會去邊到買？
有網友話，本身京東買佳寶呢件事係追住HKTV Mall打，博客認為唔係咁簡單，京東同HKTV Mall就唔係同一個量級嘅對手，佢嘅假想敵可能就係香港超市兩大天王惠康同百佳！有佳寶近百間地舖門市鋪好零售通路，加埋京東背後嘅供貨商、以及現成嘅冷鏈物流，再啟動減價戰，正好香港面臨經濟下滑，呢個時勢就好容易搶市場。
舉個例子，好似惠康百佳賣緊太古版可樂大約4-5蚊一罐，如果佢選擇賣大陸版，售價可能降到2-3蚊，可能係無咩錢賺，但京東熟悉價格戰同內捲，捲死對手先慢慢加價都唔遲；仲有奶、肉、菜、蛋一樣可以捲價格，同埋京東有份入股嘅「錢大媽」一齊合作，對香港超市零售可能有好大衝擊。
其實佳寶執好少少衛生，就會搶到好多種中產客。相信好快有新一輪價格戰出台，博客老婆買雞翼又有折了。
《編者按》本欄搜羅即市傳聞，惟消息未經證實，《經濟通》亦不保證內容之準確性。