16/04/2026 11:59
《魚缸博客》娛樂圈呢一行，搵得多使多得，唔變癡線已經好叻仔了！
《魚缸博客》博客講咁多財經都講到有啲悶，係時候講下娛樂圈。話說美國天皇巨「嬰」Justin bieber再次登上Coachella音樂節，一眾當年的「妹豬」都變成「嬸嬸」了，但無阻粉絲們對佢嘅熱情。
你去唱K，你要俾房錢、嘢飲錢、嘢食錢，仲要排隊輪住唱；Justin bieber上Coachella唱K，坐定定就得，呢一次佢仲得一張台、一部電腦，開個Youtube、打開佢個成名作《Baby》，跟住唱就得，據聞呢一次Justin bieber收取千萬美元報酬，呢種獨特「表演方式」真係為之新穎。
重點：佢有訂閱Youtube Premium。
但你唔好理，班粉絲一樣受落，特別係大家睇到佢14歲的樣子，對比起而家，大家都呼喚緊：以前青澀、純真嘅Justin bieber係咪返來啦？
點解博客咁感觸，因為博客都係睇住Justin bieber出道，睇住佢壞，睇住佢吸毒，再退出復出，到今日成為人地老豆。博客知道佢經歷過好多人不明白嘅經歷（有興趣可以搵Bieber同Diddy之間嘅事情），所以知道佢唔變癡線佬已經好叻仔了。
特別要講講，佢去年其實要做個Tour，收左人四千萬美金，但因為精神壓力問題無法演出，最後仲欠人三千萬美金，加上佢仲拖欠經理人佣金，佢身邊人已經透露過，某程度佢已經係「破產」，就算佢將自己旗下歌曲版權賣走左還債，都仲可能欠一兩億。
娛樂圈呢一行就係咁，搵得多使得多，有幾多天皇巨星真係搵幾千萬、幾個億，到最後可以守得住？除左講運氣之外，更大部分原因係需要自律，唔吸毒、唔搞花邊新聞，好好做歌拍電影，有錢都無得身痕。
早前福布斯富豪榜公布美國娛樂圈名人富豪排名，其中美國流行樂壇天后Taylor Swift憑世界巡迴演唱會《The Eras Tour》發揮超強吸金力，身家已高達20億美元（約156.7億港元）；而JayZ繼續成為音樂圈最有錢男明星，身家高達28億美金。呢班明星都有個共同點：唔搞花邊新聞，可能會唔妥某個明星，出隻歌beef下人，但唔會搞到亂七八糟，可見「自律」的重要性。
有趣的是，圈內最有錢的人並不是明星，反而係導演，其中史提芬史匹堡以71億美元榮登娛樂圈富豪榜首，另一位導演George Lucas則以52億美元排第二。
美國呢種地方，美金、女人、毒品、賭博，四樣東西永遠連成一線，假如你係美國巨星，你又會唔會抵受得住誘惑？
《編者按》本欄搜羅即市傳聞，惟消息未經證實，《經濟通》亦不保證內容之準確性。
你去唱K，你要俾房錢、嘢飲錢、嘢食錢，仲要排隊輪住唱；Justin bieber上Coachella唱K，坐定定就得，呢一次佢仲得一張台、一部電腦，開個Youtube、打開佢個成名作《Baby》，跟住唱就得，據聞呢一次Justin bieber收取千萬美元報酬，呢種獨特「表演方式」真係為之新穎。
重點：佢有訂閱Youtube Premium。
但你唔好理，班粉絲一樣受落，特別係大家睇到佢14歲的樣子，對比起而家，大家都呼喚緊：以前青澀、純真嘅Justin bieber係咪返來啦？
點解博客咁感觸，因為博客都係睇住Justin bieber出道，睇住佢壞，睇住佢吸毒，再退出復出，到今日成為人地老豆。博客知道佢經歷過好多人不明白嘅經歷（有興趣可以搵Bieber同Diddy之間嘅事情），所以知道佢唔變癡線佬已經好叻仔了。
特別要講講，佢去年其實要做個Tour，收左人四千萬美金，但因為精神壓力問題無法演出，最後仲欠人三千萬美金，加上佢仲拖欠經理人佣金，佢身邊人已經透露過，某程度佢已經係「破產」，就算佢將自己旗下歌曲版權賣走左還債，都仲可能欠一兩億。
娛樂圈呢一行就係咁，搵得多使得多，有幾多天皇巨星真係搵幾千萬、幾個億，到最後可以守得住？除左講運氣之外，更大部分原因係需要自律，唔吸毒、唔搞花邊新聞，好好做歌拍電影，有錢都無得身痕。
早前福布斯富豪榜公布美國娛樂圈名人富豪排名，其中美國流行樂壇天后Taylor Swift憑世界巡迴演唱會《The Eras Tour》發揮超強吸金力，身家已高達20億美元（約156.7億港元）；而JayZ繼續成為音樂圈最有錢男明星，身家高達28億美金。呢班明星都有個共同點：唔搞花邊新聞，可能會唔妥某個明星，出隻歌beef下人，但唔會搞到亂七八糟，可見「自律」的重要性。
有趣的是，圈內最有錢的人並不是明星，反而係導演，其中史提芬史匹堡以71億美元榮登娛樂圈富豪榜首，另一位導演George Lucas則以52億美元排第二。
美國呢種地方，美金、女人、毒品、賭博，四樣東西永遠連成一線，假如你係美國巨星，你又會唔會抵受得住誘惑？
《編者按》本欄搜羅即市傳聞，惟消息未經證實，《經濟通》亦不保證內容之準確性。