09/06/2026 11:59
《魚缸博客》藥廠全部去晒整GLP-1針，下一年會唔會純利大爆發？
《魚缸博客》話說博客耐唔耐都會留意下生物科技股同藥股，留意到近期好多藥廠開始投入生產一隻針叫「GLP-1」。
早幾年大家都仲講緊整癌症藥，乜解究全部一窩蜂走去做針呢？原來呢隻「GLP-1」就係坊間所講嘅「瘦瘦針」，而「GLP-1」其實係荷爾蒙一種，佢原本係生存係人類嘅小腸，當你食嘢個陣就會分泌，幾個鐘後就會消失，主要係刺激胰島素分泌。
而呢隻針原本係俾糖尿病人使用，來後發現呢隻針係伴隨良好嘅減肥效果，因為佢唔需要你節食（打完隻針之後你就唔會想食嘢），慢慢體重就會跌落去，成為近期名人圈內嘅減肥神器，連美國馬斯克都話靠呢隻針減左十幾磅。
原來，呢隻針嘅中國版權期限係今年屆滿，出面一支賣緊2000幾蚊港紙打一個月，藥廠見咁好油水，梗係拿拿聲投入製造，務求將呢隻針推到便「白菜價」，幾百蚊人人都打得起就最好啦。
其實全球糖尿病人入面，中國人口係佔最多，有成1.5億人，某程度同中國人飲食有關，因為中國人中意食白飯，飲奶茶，全部都係高糖，所以呢隻「瘦瘦針」剛好就符合中國人市場特質。唔係話打完隻針就可以繼續飲飲食食，而係打完針，你根本食唔落太多嘢。
博客就預計，下年藥廠有機會迎來純利大爆發，因為好似呢隻藥嘅原廠製造者NOVO(諾和)，都因為「GLP-1」針，刺激股價爆升唔知幾多倍；但同樣地，因為呢隻針係中國專利權一過，股價就拾級而下。
係時候到中國藥廠接力啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
早幾年大家都仲講緊整癌症藥，乜解究全部一窩蜂走去做針呢？原來呢隻「GLP-1」就係坊間所講嘅「瘦瘦針」，而「GLP-1」其實係荷爾蒙一種，佢原本係生存係人類嘅小腸，當你食嘢個陣就會分泌，幾個鐘後就會消失，主要係刺激胰島素分泌。
而呢隻針原本係俾糖尿病人使用，來後發現呢隻針係伴隨良好嘅減肥效果，因為佢唔需要你節食（打完隻針之後你就唔會想食嘢），慢慢體重就會跌落去，成為近期名人圈內嘅減肥神器，連美國馬斯克都話靠呢隻針減左十幾磅。
原來，呢隻針嘅中國版權期限係今年屆滿，出面一支賣緊2000幾蚊港紙打一個月，藥廠見咁好油水，梗係拿拿聲投入製造，務求將呢隻針推到便「白菜價」，幾百蚊人人都打得起就最好啦。
其實全球糖尿病人入面，中國人口係佔最多，有成1.5億人，某程度同中國人飲食有關，因為中國人中意食白飯，飲奶茶，全部都係高糖，所以呢隻「瘦瘦針」剛好就符合中國人市場特質。唔係話打完隻針就可以繼續飲飲食食，而係打完針，你根本食唔落太多嘢。
博客就預計，下年藥廠有機會迎來純利大爆發，因為好似呢隻藥嘅原廠製造者NOVO(諾和)，都因為「GLP-1」針，刺激股價爆升唔知幾多倍；但同樣地，因為呢隻針係中國專利權一過，股價就拾級而下。
係時候到中國藥廠接力啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。