29/09/2026 11:59
《魚缸博客》殺死生育率嘅兇手，唔係樓價而係你手上嗰部手機
《魚缸博客》而家啲後生仔，個個話買唔起樓所以唔生仔。大家成日話少子化係經濟問題：樓價高、物價貴、份工唔穩定。呢啲因素當然有影響，但《金融時報》做咗一個數據追蹤，將各國生育率下滑曲線同智能手機普及年份疊埋一齊，結果可能令你意外。
美國、英國、澳洲嘅年輕人生育率，2000年代初期大致持平。但由2007年開始，顯著下滑。2007年係咩年份？第一代iPhone上市嗰年。法國同波蘭，2009年跟住跌。墨西哥、摩洛哥、印尼，2012年跌。加納、尼日利亞、塞內加爾，2013至2015年急劇下滑。每一個轉折點，都同當地智能手機大規模普及嘅時間精準吻合。
辛辛那提大學嘅研究更直接，用美國同英國4G網絡嘅分階段鋪設做分析，發現最早有高速移動網絡嘅地區，生育率跌得最快、最甘。
可能有人會問：手機又唔會避孕，點解會令人生少啲？答案好簡單：手機偷走咗你嘅時間，同埋你遇到另一半嘅機會。人口學家Lyman Stone就話：「要遇到一個你會結婚嘅人，需要過濾好多人。如果你社交大幅減少，你一係花更長時間先搵到，一係根本搵唔到。」南韓係最好嘅例子。呢個國家生育率全球最低，而年輕人面對面社交嘅時間，過去20年少咗一半。
《紐約時報》引用皮尤研究中心數據：2025年美國青少年日均屏幕使用時長達到8個鐘39分鐘，其中近6個鐘花喺社交媒體同短視頻上。國內Z世代日均手機使用時長都突破6.5個鐘。即係話，一個20歲嘅年輕人，由擘大眼到瞓覺，所有「非工作」時間，幾乎全部俾一塊發光嘅玻璃板佔滿。仲邊有時間出街識人？仲邊有精力經營一段親密關係？
行為科學家管呢個叫「獎勵代償」（Reward Displacement）。
人類嘅大腦本來被演化設定為：願意為咗「巨大嘅回報」去付出「極高嘅努力」。建立深度親密關係、做愛、懷孕、養大一個生命，呢啲全部係高成本、高回報嘅長期投資，但手機將呢個機制HACK咗。而家「刷到一個有趣視頻」嘅快感，已經超過「喺咖啡店同一個普通朋友傾偈」。算法推薦嘅網友列表，右滑一下就有新面孔，零成本。大家唔係唔想拍拖，而係「喺手機度搵樂趣」呢件事，已經令人懶得走出家門。
UC嘅研究論文講得更學術：數位化降低咗「廣度」相對於「深度」嘅價格。以前你要花時間同好多人相處，先篩選到一個啱嘅人；而家你可以喺群組發幾百條訊息、俾朋友分享幾十條片、深夜連MIC打機，但呢啲活動唔要求身體同時出現喺同一個空間。
而愛情，偏偏係一種依賴身體在場嘅關係。
手機唔止偷時間，仲改變咗人嘅觀念。史丹福大學嘅Alice Evans指出，Instagram同TikTok令全球年輕女性可以繞過傳統權威，吸收西方嘅進步同平等觀念。但當地男性往往未準備好面對呢種轉變。結果係咩？Z世代男女嘅意識形態日益分歧。女性變得更自由派，男性維持保守。國際研究機構Glocalitie分析2014至2023年嘅論文發現，Z世代男性比女性、甚至比年長男性更傾向父權價值。
呢種隔閡，喺未受大學教育嘅族群尤其嚴重。教育程度低嘅男性，薪水往往低於女性，成家嘅打算自然改變。結果就係，成家立業出現「K型」分布：大學畢業生找到伴侶、生養子女嘅比例維持穩定，但最貧困嘅族群減幅最大。
《金融時報》訪問嘅賓州大學教授表示：「生育率下滑係呢個時代嘅一大問題，幾乎所有急迫問題都源於生育率劇減。」勞動力萎縮、消費需求下降、退休金體系受壓、樓市結構改變－－呢啲全部係連鎖反應。有評論甚至話，呢個係「資本主義興起以來最大嘅需求崩塌」，而且會持續幾十年。
對於投資者嚟講，呢個趨勢意味住：嬰兒相關產業嘅長期需求會縮，但老年護理、自動化、AI替代勞動力嘅板塊會受惠。樓市方面，如果年輕一代連拍拖都懶，剛性需求從何而來？當然，呢個唔係單一因素可以解釋晒。樓價、經濟壓力、性別角色轉變，全部都有份。但有樣嘢好諷刺，全球男女仍然話想生兩個小朋友，但真正做到嘅人愈嚟愈少。問題唔係「想唔想」，而係「做唔做到」。而手機，正正喺「做到」呢一步，築起咗一道無形嘅牆。
《編者按》本欄搜羅即市傳聞，惟消息未經證實，《經濟通》亦不保證內容之準確性。
美國、英國、澳洲嘅年輕人生育率，2000年代初期大致持平。但由2007年開始，顯著下滑。2007年係咩年份？第一代iPhone上市嗰年。法國同波蘭，2009年跟住跌。墨西哥、摩洛哥、印尼，2012年跌。加納、尼日利亞、塞內加爾，2013至2015年急劇下滑。每一個轉折點，都同當地智能手機大規模普及嘅時間精準吻合。
辛辛那提大學嘅研究更直接，用美國同英國4G網絡嘅分階段鋪設做分析，發現最早有高速移動網絡嘅地區，生育率跌得最快、最甘。
可能有人會問：手機又唔會避孕，點解會令人生少啲？答案好簡單：手機偷走咗你嘅時間，同埋你遇到另一半嘅機會。人口學家Lyman Stone就話：「要遇到一個你會結婚嘅人，需要過濾好多人。如果你社交大幅減少，你一係花更長時間先搵到，一係根本搵唔到。」南韓係最好嘅例子。呢個國家生育率全球最低，而年輕人面對面社交嘅時間，過去20年少咗一半。
《紐約時報》引用皮尤研究中心數據：2025年美國青少年日均屏幕使用時長達到8個鐘39分鐘，其中近6個鐘花喺社交媒體同短視頻上。國內Z世代日均手機使用時長都突破6.5個鐘。即係話，一個20歲嘅年輕人，由擘大眼到瞓覺，所有「非工作」時間，幾乎全部俾一塊發光嘅玻璃板佔滿。仲邊有時間出街識人？仲邊有精力經營一段親密關係？
行為科學家管呢個叫「獎勵代償」（Reward Displacement）。
人類嘅大腦本來被演化設定為：願意為咗「巨大嘅回報」去付出「極高嘅努力」。建立深度親密關係、做愛、懷孕、養大一個生命，呢啲全部係高成本、高回報嘅長期投資，但手機將呢個機制HACK咗。而家「刷到一個有趣視頻」嘅快感，已經超過「喺咖啡店同一個普通朋友傾偈」。算法推薦嘅網友列表，右滑一下就有新面孔，零成本。大家唔係唔想拍拖，而係「喺手機度搵樂趣」呢件事，已經令人懶得走出家門。
UC嘅研究論文講得更學術：數位化降低咗「廣度」相對於「深度」嘅價格。以前你要花時間同好多人相處，先篩選到一個啱嘅人；而家你可以喺群組發幾百條訊息、俾朋友分享幾十條片、深夜連MIC打機，但呢啲活動唔要求身體同時出現喺同一個空間。
而愛情，偏偏係一種依賴身體在場嘅關係。
手機唔止偷時間，仲改變咗人嘅觀念。史丹福大學嘅Alice Evans指出，Instagram同TikTok令全球年輕女性可以繞過傳統權威，吸收西方嘅進步同平等觀念。但當地男性往往未準備好面對呢種轉變。結果係咩？Z世代男女嘅意識形態日益分歧。女性變得更自由派，男性維持保守。國際研究機構Glocalitie分析2014至2023年嘅論文發現，Z世代男性比女性、甚至比年長男性更傾向父權價值。
呢種隔閡，喺未受大學教育嘅族群尤其嚴重。教育程度低嘅男性，薪水往往低於女性，成家嘅打算自然改變。結果就係，成家立業出現「K型」分布：大學畢業生找到伴侶、生養子女嘅比例維持穩定，但最貧困嘅族群減幅最大。
《金融時報》訪問嘅賓州大學教授表示：「生育率下滑係呢個時代嘅一大問題，幾乎所有急迫問題都源於生育率劇減。」勞動力萎縮、消費需求下降、退休金體系受壓、樓市結構改變－－呢啲全部係連鎖反應。有評論甚至話，呢個係「資本主義興起以來最大嘅需求崩塌」，而且會持續幾十年。
對於投資者嚟講，呢個趨勢意味住：嬰兒相關產業嘅長期需求會縮，但老年護理、自動化、AI替代勞動力嘅板塊會受惠。樓市方面，如果年輕一代連拍拖都懶，剛性需求從何而來？當然，呢個唔係單一因素可以解釋晒。樓價、經濟壓力、性別角色轉變，全部都有份。但有樣嘢好諷刺，全球男女仍然話想生兩個小朋友，但真正做到嘅人愈嚟愈少。問題唔係「想唔想」，而係「做唔做到」。而手機，正正喺「做到」呢一步，築起咗一道無形嘅牆。
《編者按》本欄搜羅即市傳聞，惟消息未經證實，《經濟通》亦不保證內容之準確性。