02/05/2025 12:08
《魚缸博客》忠記真係一車車人去兌黃金，金價年內仲有得升？
《魚缸博客》話說博客呢一期見金價係咁破頂係咁破頂係咁破頂係咁破頂……終於忍唔住手，拎屋企當年結婚堆金器去套現，真係唔知幾時升定跌。
去拎金器換錢，首先就唔好考慮咩周六叔、周叔叔、六叔金行之類，價差之高又收手續費又剩，博客就搭車去中上環搵「忠記」，全行都知佢地出手最高、兌錢最快，當日博客十點幾去，門口已經十幾人排隊，嘩！好生意過隔離九記牛腩啊真係。
去到門口已經聽到收貨位阿叔做到燥燥地，電話聲此起彼落，但阿叔都係得一句對白：30400啊！（金價回收30400蚊一兩）；有啲阿姐量完自己堆貨又覺得少，又換又唔換咁，塞住個門口，入面班阿叔同九記班伙計一樣面口同脾氣：下一位！
重點：十二萬貨以上無CASH，全部開票。可想而知幾多人走去賣金，賣到鋪頭連現金都唔夠啊陰功！
所以話，香港人真係好有錢，個個屋企都有幾兩金，個個走去打電話問價或者排隊。無他嘅，貿易戰打幾耐又唔知，特朗普玩幾耐又唔知，關稅幾時再加又唔知，只係知道金價不停咁升，目前金價係3300蚊美金，有分析師預計，年內會升到3500美元都唔出奇。
睇報道，忠記老闆早一排收隻金兔，價值200萬，圍返都起碼三斤幾四斤。所以幾時都話，想安全，真係買黃金係最好，歷史以來只有升沒有跌，博客套現之後，打算等金價下年回落，每年買條小金條，買下買下，可能第日退休真係做到「百萬富翁」，好過靠強積金啦。
《編者按》本欄搜羅即市傳聞，惟消息未經證實，《經濟通》亦不保證內容之準確性。
去拎金器換錢，首先就唔好考慮咩周六叔、周叔叔、六叔金行之類，價差之高又收手續費又剩，博客就搭車去中上環搵「忠記」，全行都知佢地出手最高、兌錢最快，當日博客十點幾去，門口已經十幾人排隊，嘩！好生意過隔離九記牛腩啊真係。
去到門口已經聽到收貨位阿叔做到燥燥地，電話聲此起彼落，但阿叔都係得一句對白：30400啊！（金價回收30400蚊一兩）；有啲阿姐量完自己堆貨又覺得少，又換又唔換咁，塞住個門口，入面班阿叔同九記班伙計一樣面口同脾氣：下一位！
重點：十二萬貨以上無CASH，全部開票。可想而知幾多人走去賣金，賣到鋪頭連現金都唔夠啊陰功！
所以話，香港人真係好有錢，個個屋企都有幾兩金，個個走去打電話問價或者排隊。無他嘅，貿易戰打幾耐又唔知，特朗普玩幾耐又唔知，關稅幾時再加又唔知，只係知道金價不停咁升，目前金價係3300蚊美金，有分析師預計，年內會升到3500美元都唔出奇。
睇報道，忠記老闆早一排收隻金兔，價值200萬，圍返都起碼三斤幾四斤。所以幾時都話，想安全，真係買黃金係最好，歷史以來只有升沒有跌，博客套現之後，打算等金價下年回落，每年買條小金條，買下買下，可能第日退休真係做到「百萬富翁」，好過靠強積金啦。
《編者按》本欄搜羅即市傳聞，惟消息未經證實，《經濟通》亦不保證內容之準確性。