【港樓演義之價比天高】黃遠輝：何解惡劣居住環境幾十年無好到？

　　在廁所馬桶旁煮食、小孩背曲腰躬坐於碌架床上寫作業，炎炎夏日時室內溫度高達40度、此等都是至少20萬劏房戶或籠屋戶的「生活日常」。

　　「個環境好差，氣味好大」。時間返回至50年前，土地供應專責小組主席黃遠輝經常因為探望爺爺而到他所居住的深水埗籠屋留宿，他接受《經濟通通訊社》專訪時形容，該惡劣環境令他至今都留下陰影，並感慨道「想不到50年前情況到今天都無改善到」。

　　黃遠輝慨嘆，「點解香港作為相對富裕既社會，咁惡劣既居住環境幾十年都無處理到，或者咁多年都無處理好，以致今年仍有咁多市民住係不適切居所」。

　　為了解現時劏房戶的困境，土地供應專責小組成員早前探訪劏房及板間房戶，黃遠輝提起，所探訪年紀老邁的劏房男住戶曾參與多項香港工程，貢獻香港發展，但努力大半生，今天生活環境仍很不理想。

黃遠輝認為要如實反映土地諮詢的結果，才算得上「對得住」居住於惡劣環境的居民 (Kenji攝)

黃遠輝：如實反映諮詢結果 才算「對得住」劏房籠屋戶

　「見到呢啲情況自然令小組成員覺得我哋的的確確係要下定決心」，黃遠輝指，「希望幫到咁多今天住係不適切居所既居民，早啲上到公屋，或者至少間接令整體房屋供應多啲，去改善到今天咁差的環境」。

　　要改善此「50年不變」的房屋問題，黃遠輝表示，相信要如實反映土地諮詢的結果，才算得上「對得住」居住於惡劣環境的居民。「開展兩輪的巡迴展覽正正真係落到區內接觸當區居民，而呢啲居民往往聲音係無被聆聽的，或者佢地無機會於不同土地選項中有決擇」。

黃遠輝：冀香港人安居樂業 唔好住得咁逼夾

　　再過50年，香港人的居住環境會否仍是土地供應諮詢文件所形容的「貴」、「細」、「擠」？

　　此問題相信沒有水晶球的黃遠輝也不會有答案，而他現時的願景，是希望香港人都能夠「安居樂業」，他認為「香港應該係一個宜居既城市」，「一個宜居既城市係講緊所有配套設施，包括我哋有既郊野公園、綠化地帶、文娛康樂體育既地方等等其實都有足夠配套，全部都有適當用地，呢個係非常重要」。

　　「如果我哋有足夠土地供應，我相信長遠可以解決到今天劏房板間房的問題」，黃遠輝如是說，「長遠嚟講，希望透過土地供應，然後我哋每一個人既居住空間可以有提升，大家唔好住得咁逼夾，以致我地既生活空間有一定程度上的提升」。

撰文：余萃雯

【香港好去處】2025去邊最好玩？etnet為你提供全港最齊盛事活動，所有資訊盡在掌握！► 即睇