尖沙咀香港文化中心｜非物質文化遺產市集2026

活動簡介

香港文化節年度重點活動「非物質文化遺產市集2026」返嚟啦！

11月6至8日，約定你喺香港文化中心露天廣場A及B區，一連三日近距離睇、玩、親手感受香港非遺！ 

今年市集以「連藝融通·續寫傳統」為主題，將傳統工藝融入當代生活。

想親手試傳統手藝？想帶小朋友輕鬆認識香港文化？定係想同朋友行市集、睇表演、影靚相？

現場有多個非遺工作坊、體驗及遊戲攤位、傳統技藝示範、舞台演出，仲有非遺主題打卡裝置，總有一樣啱你！ 

  所有活動費用全免！

無論一家大細、朋友結伴，定係週末想搵好去處，都歡迎一齊嚟玩、嚟睇、嚟體驗，發掘香港非遺嘅另一面，同我哋一齊續寫傳統故事！