《股林淘金》《經濟通》財經直播節目〈開市Ｇｏｏｄ Ｍｏｒｎｉｎｇ〉本來要詢問筆者
之問題，因時間關係未能完成，問題的答案要點如下。
問題：ｉＳｈａｒｅｓ全球乾淨能源ＥＴＦ綠色股票指數連續第四年下跌，投資者問如何處
理？
答案：投資必須親力親為，千祈唔好隔山買牛，要睇清楚投資資產內容係乜嘢。香港證監會
都講過，迷你債券只係一個名稱，其實唔係債券，你以為係買債券？你係諗多咗喇……
ｉＳｈａｒｅｓ全球乾淨能源ＥＴＦ容許基金可以使用部分資金，買入指數成分股以外無關
連的投機產品衍生工具，包括期貨、期權、掉期合約等等，呢個係唔係你嘅投資意願呢？如果你
唔願意炒衍生工具、期貨，你點解要買佢呢？依家炒輸咗，惟有認命。查實ｉＳｈａｒｅｓ全球
乾淨能源ＥＴＦ內的首三大重要持股，股價多年冇乜下跌，筆者懷疑ＥＴＦ最大的損失，便是在
其他投機衍生工具上。
炒開美股的股民，應該記得以往有一隻ＨＤＴＶ（高清電視）嘅美股，２０年前日本平面大
電視大行其道，個個都追捧高清電視，認為係大勢所趨，所以炒佢。點知原來佢只係將以前舊式
的大牛龜電視略為調整，提高去到ＤＶＤ質素的水平，所以你以為高清電視係可以睇到４Ｋ、
６Ｋ、８Ｋ？你係諗多咗喇……現實上，係１╱４Ｋ都睇唔到。
請你記住，呢個世界係充滿欺詐的，若你自己唔睇清楚投資內容，讓基金幫你炒輸咗，有乜
嘢好投訴呢？《香港股票分析師協會永遠榮譽會長、國農證券董事總經理 林家亨》
＊《經濟通》所刊的署名及╱或不署名文章，相關內容屬作者個人意見，並不代表《經濟通》立
場，《經濟通》所扮演的角色是提供一個自由言論平台。
【你點睇】機管局獎勵航空公司增往來香港航線，措施能有效推動航空業復常？► 立即投票
