《魚缸博客》關稅未完中東戰火又起，美國經濟如何是好？

　　《魚缸博客》關稅戰都未打完，中東伊以戰爭又開波，本以為以色列三秒可以打完，點知伊朗突然「亮劍」－「法塔赫高超音速彈道飛彈」，原來係突破到以色列嘅「鐵穹防禦系統」，而家調轉以色列向美國求救，美國話等我兩個禮拜考慮下先。

　　呢件事相當詼諧。

　　美國剛剛先話關稅戰有小小轉機，轉個頭中東又搞個大頭佛，仲想拉埋美國落水？正所謂「左手又係肉，手背又係肉」，黎明金句幾時都咁適用。關鍵係美國經濟如果因為加入戰爭，軍費必然又會增加，到時候國內聲音點樣處理又係問題。

　　而家因為中東呢場戰爭，油價又再升過。其中摩根大通經濟學家在最新給客戶的報告中指出，繼關稅戰引發市場動盪後，美國和全球經濟今年將承受多重沖擊，而其中最主要的是中東爆發全面戰爭的可能性上升。

　　另外，荷蘭國際集團(ING)首席國際經濟學家James Knightley則表示：「對美國消費者最直接的影響之一，將是霍爾木茲海峽(Strait of Hormuz)可能被關閉、海運石油和天然氣的流動或受到幹擾，導致能源成本飆升。」

　　美國經濟長期被「輸入性通脹」所影響，之前因為俄羅斯烏克蘭打仗，令俄羅斯中斷對歐洲天然氣供應，間接推動歐美國家通漲升高；而家又到伊朗呢個產油國「被打」，即係話，美國就算打唔打仗，經濟都會受損。

　　真係兩面不是人囉呢鋪。

《編者按》本欄搜羅即市傳聞，惟消息未經證實，《經濟通》亦不保證內容之準確性。