08/10/2025 12:13
《魚缸博客》澳門賭場走去開醫院，原來係呢個原因！！
《魚缸博客》話說早兩日博客睇到單新聞，就係新濠國際(00200)旗下博彩業旗艦新濠博亞(US.MLCO)，位於澳門新濠影匯，並與香港磁力共振診斷服務供應商卓智醫療集團開設新濠影滙卓智醫院。
博客就睇唔明，賭場無啦啦走去開醫院，個行業跨大咁大，遲下會唔會開埋老人院？本住「唔識就要問」嘅心態，博客就走去問下曾經係澳門讀書嘅朋友。
朋友M就話，原來澳門過去一直都係得兩間醫院「鏡湖以及山頂」，同埋過去澳門大學無開醫科，所以澳門人要讀醫唯有出去外國，然後回流返澳門開診，又或者輸入「外勞醫生」，但多數都係內地人多。
而澳門本地人佢地要睇醫生又點算呢？有錢人就通常去香港醫，但如果遇到急症你又點算好呢？所以朋友M就話其實係澳門開醫院係有需求、有錢搵。
不過，朋友M講左個最大估計原因：就係有機會澳門政府同賭場傾續牌條件時候，可能有機會包埋開醫院係續牌條件之一，有點兒似賽馬會但又唔完全係，總之就係有機會要求賭場要投放一定資源落澳門社會嘅社福需求，而呢一點有機會係保密協議，因為澳門賭業係上市公司，要同股東交代，呢種支出要係「灰色」之間游走。
以上資訊都係博客朋友M自己估計，算係一個小秘聞，但大家可以參考下，澳門賭業會唔會做更多跨行業舉動！
《編者按》本欄搜羅即市傳聞，惟消息未經證實，《經濟通》亦不保證內容之準確性。
博客就睇唔明，賭場無啦啦走去開醫院，個行業跨大咁大，遲下會唔會開埋老人院？本住「唔識就要問」嘅心態，博客就走去問下曾經係澳門讀書嘅朋友。
朋友M就話，原來澳門過去一直都係得兩間醫院「鏡湖以及山頂」，同埋過去澳門大學無開醫科，所以澳門人要讀醫唯有出去外國，然後回流返澳門開診，又或者輸入「外勞醫生」，但多數都係內地人多。
而澳門本地人佢地要睇醫生又點算呢？有錢人就通常去香港醫，但如果遇到急症你又點算好呢？所以朋友M就話其實係澳門開醫院係有需求、有錢搵。
不過，朋友M講左個最大估計原因：就係有機會澳門政府同賭場傾續牌條件時候，可能有機會包埋開醫院係續牌條件之一，有點兒似賽馬會但又唔完全係，總之就係有機會要求賭場要投放一定資源落澳門社會嘅社福需求，而呢一點有機會係保密協議，因為澳門賭業係上市公司，要同股東交代，呢種支出要係「灰色」之間游走。
以上資訊都係博客朋友M自己估計，算係一個小秘聞，但大家可以參考下，澳門賭業會唔會做更多跨行業舉動！
《編者按》本欄搜羅即市傳聞，惟消息未經證實，《經濟通》亦不保證內容之準確性。