22/09/2023 11:02
《魚缸博客》恒指呈大型雙底料展3浪，港交所處橫行底攻守兼備！
《魚缸博客》呢個星期焦點係主要央行公布議息結果，聯儲局同㗎仔央行唔加息就預咗，但瑞士央行同英倫銀行就宣布唔加息，較令人感到意外，但似乎預示主要央行加息周期就快結束。美股繼續跌，無他，因為聯儲局今年仲會加息一次；歐股又跌喎，咁係因為經濟表現差，歐洲央行仲夠膽加息，咪死快啲！
少咗加息影響，港股短期又唔可以睇得太淡喇。恒指今朝裂口低開77點，報17578，跌多5點至17573.81，已經係全日低位，之後逐步反彈，唔使一個鐘已經升咗130點有多。注意，恒指喺8月22號最低位係17573.7，哇！呢個仲唔係大雙底？！以波浪理論計，更加係完美到爆嘅2浪底，咁即係恒指已經準備進入大型上升3浪，以1浪嘅1.382倍計，恒指將會升到19405！
恒指回升，就梗係捉住ATMJ啦！不過，隻港交所(00388)亦係攻守兼備，又可以炒番起。事實上，港交所自今年6月以嚟，大致喺276至320銀橫行，尋日跌到282.6銀之後，以單日轉向輕微收高喺287銀，今日再升到293.8銀，比上日最多升2.4%。
港交所大家都熟啦，喺香港做獨市生意，佢衰，個市都唔會好得去邊。近排好多股份都跌到幾年低，港交所就橫行，最啱炒住波幅等升幅啦，咁分注定係一注定輸贏？現價離底唔遠，一兩手的話就唔使分注啦，而且個市如果開始行上去，都回唔到幾多，到時回調，你又敢唔敢入市？愛拚才會贏，驚輸唉唉聲！
簡單啲，現價291.6入市，望番橫行頂320銀先，破位再望374銀，如果恒指都穿唔到17573，即係港交所都可以守住274銀啦，咁就以跌穿呢個位做止蝕啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
少咗加息影響，港股短期又唔可以睇得太淡喇。恒指今朝裂口低開77點，報17578，跌多5點至17573.81，已經係全日低位，之後逐步反彈，唔使一個鐘已經升咗130點有多。注意，恒指喺8月22號最低位係17573.7，哇！呢個仲唔係大雙底？！以波浪理論計，更加係完美到爆嘅2浪底，咁即係恒指已經準備進入大型上升3浪，以1浪嘅1.382倍計，恒指將會升到19405！
恒指回升，就梗係捉住ATMJ啦！不過，隻港交所(00388)亦係攻守兼備，又可以炒番起。事實上，港交所自今年6月以嚟，大致喺276至320銀橫行，尋日跌到282.6銀之後，以單日轉向輕微收高喺287銀，今日再升到293.8銀，比上日最多升2.4%。
港交所大家都熟啦，喺香港做獨市生意，佢衰，個市都唔會好得去邊。近排好多股份都跌到幾年低，港交所就橫行，最啱炒住波幅等升幅啦，咁分注定係一注定輸贏？現價離底唔遠，一兩手的話就唔使分注啦，而且個市如果開始行上去，都回唔到幾多，到時回調，你又敢唔敢入市？愛拚才會贏，驚輸唉唉聲！
簡單啲，現價291.6入市，望番橫行頂320銀先，破位再望374銀，如果恒指都穿唔到17573，即係港交所都可以守住274銀啦，咁就以跌穿呢個位做止蝕啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。