【晴報專訊】陳凱琳（Grace）上星期宣布懷孕後，昨日首度出席公開活動。今年八月才與鄭嘉穎結婚的她，提到當日是否奉子成婚不願多談，不過她大讚老公夠細心，對她呵護備至，羨煞旁人。

陳凱琳目前已暫停拍劇，透露若陀B情況OK，下月會陪嘉穎出埠開工。

　　陳凱琳昨日與陳慧琳（Kelly）到尖沙咀出席香水活動，Grace腳踏四吋高踭鞋現身，又穿上立體花卉連身褲遮肚，不過昨日所見手腳仍然纖瘦。Grace笑說︰「依家出街，都會好敏感人哋望住我條腰同胸部。我依家有少少凸肚，個肚好硬淨，好得意。」她在台上分享陀B心情，表示興奮又緊張︰「依家好多時會情緒波動，一日高高低低起伏幾次，要搵方法減壓。」

從側面所見，向來瘦削的陳凱琳已見肉地。

　　Grace受訪時表示近來情緒起伏不定，看動畫也感動到喊︰「老公（鄭嘉穎）話大肚咁樣好正常，仲話要記住呢種感覺，將來拍戲用得着。」她表示現已懷孕超過三個月，問她八月結婚時是否已經有喜？她只說︰「呢個唔講啦，總之依家穩定。」她透露會在香港生B，方便雙方家長照顧，但未決定剖腹或順產。

鄭嘉穎

　　提到胎兒性別，Grace笑說︰「已經知BB性別，但遲少少先講。」問她目前在家中由公主變女王？她開心說︰「嘉穎依家更加細心體貼，不過我都未係好野蠻，唔會半夜叫老公買嘢食，驚將來要還！不過我胃口唔同咗，以前鍾意食甜，依家鍾意食鹹同中菜，可能BB想要多啲營養。」另外，鄭嘉穎昨日宣傳電影時，亦大談將為人父的心情︰「開心過攞獎同中六合彩！」

Kelly開騷賀入行25年

Kelly表示不會出席各大樂壇頒獎禮。

　　同場的Kelly，笑言自己當年懷孕時是條「大懶蟲」，連去廁所都要老公扶，十分搞笑。另外，Kelly兩年後便入行25周年，她表示計劃明年入紙，申請紅館開演唱會慶祝。問她屆時會讓兩個兒子上台？她笑說︰「唔好，免得佢哋以為自己係明星。」