【晴報專訊】劇集《白色強人》將於本周五播映大結局，劇中馬國明和唐詩詠有感情綫，現實中馬明與詩詠目前同樣單身，不少網民希望他們戲假情真。他們昨日出席宣傳活動，馬明笑言彼此相識多年，也不知道二人何以擦不出愛火。

馬國明與唐詩詠有信心《白色強人》破33點收視。

　　馬國明、李佳芯、唐詩詠及馮盈盈等昨日宣傳《白色強人》，歌手譚嘉儀即場獻唱插曲《Can You Hear》，她透露劇集結局周會播出與馬明合唱的中文版。馬明與詩詠對結局周收視甚有信心。提到二人在劇中離婚後復合，不少網民更想他們在現實中相戀，詩詠聞言搞笑向馬明說：「約我啦咁！」提到有網民向馬明留言「最好的已在你身邊」，正是意指詩詠，馬明笑說：「咁犀利，佢（詩詠）不嬲都好，係好女仔。」

　　問二人為何「撻唔著」？詩詠笑說︰「我要唔要行開？」提到她被指是「絕世好女友」，馬明則是「筍盤男神」，二人之間尚欠甚麼？馬明說︰「我都諗唔到爭啲乜。」

馮盈盈被男友鬧自私

馮盈盈最近天天做家務做到凌晨。

　　同場的馮盈盈提到她在劇中為何廣沛爆喊，被網民批評喊得肉酸，她笑言會練習喊得更靚：「諗緊方法改善，前輩話要做成功女演員，一定要喊得靚女，但喊得肉緊又好難注意個表情。」會否找同居男友「寶寶」練喊？她笑說：「可以呀，我發現同居後可以睇到大家價值觀，我對生活品味有要求，睇下飲咩就用邊款杯，所以會有酒杯、咖啡杯、香檳杯、茶杯；但寶寶就飲乜都同一隻杯。我哋生活都好多分歧，佢仲話我自私、唔上進、唔識改進自己，鬧得都幾狠，可能佢想幫我一把，等我諗起佢便會流眼淚，其實係一片苦心。」